Book Name:Quran Kitab-e-Hidayat Hai
وَ اِنَّ جَهَنَّمَ لَمُحِیْطَةٌۢ بِالْكٰفِرِیْنَۙ(۵۴) (پ۲۱ ، العنکبوت : ۵۴)
ترجمۂ کنز العرفان : اوربیشک جہنم کافروں کو گھیرنے والی ہے۔
آیتِ مبارکہ سنتے ہی لڑکی نے ستار پھینکاایک زوردار چیخ ماری اوربے ہوش ہوکرزمین پر گِرگئی ، جب ہوش آیا تو ستار توڑکر عبادت و رِیاضت میں ایسی مشغول ہوئی کہ عابدہ وزاہدہ مشہور ہوگئی۔ ایک دن میں نے اُس سے کہاکہ اپنےآپ پرنرمی کر!یہ سُن کرروتےہوئےبولی ، کاش مجھے معلوم ہوجائے کہ جہنّمی اپنی قبروں سے کیسےنکلیں گے!پُل صراط کیسےعبورکریں گے؟قیامت کی ہولناکیوں سے کیسے نجات پائیں گے؟کھولتے ہوئے گر م پانی کے گھونٹ کیسے پئیں گے؟ اللہ پاک کےغضب کوکیسے برداشت کریں گے؟اتناکہہ کرپھربے ہوش ہوکرگرپڑی جب ہوش میں آئی توبارگاہِ خُداوندی میں یوں عرض گزارہوئی ، اے میرے مولیٰ !میں نےجوانی میں تیری نافرمانی کی اوراب کمزوری کی حالت میں تیری اِطاعت کررہی ہوں ، کیا تُو میری عبادت قبول فرما لے گا؟پھر اس نے ایک آہِ سرد ، دِلِ پُردردسےکھینچی اورکہا : آہ!کل بروزِ قیامت کتنے لوگوں کےعیب کُھل جائیں گے پھر اس نے ایک چیخ ماری اورایسےدردبھرےاندازمیں روئی کہ وہاں موجودسب لوگ بے ہوش ہو گئے۔
(الروض الفائق ، المجلس السابع والعشرون …الخ ، ص۱۴۸)
صَلُّوْا عَلَی الْحَبِیْب! صَلَّی اللہُ عَلٰی مُحَمّد
پیارے پیارے اسلامی بھائیو!ا آپ نے سنا کہ قرآنِ کریم کس قدر پُر تاثیر کلام ہے کہ جس کی تلاوت سُن كرلوگوں کےدل دَہل جاتے ہیں ، بدن کے رونگٹے کھڑے ہوجاتے ہیں ، لوگوں کو فکرِآخرت نصیب ہوتی ہے اور بڑے بڑے گناہ گاروں کوسچی توبہ کی توفیق ملتی ہے۔ ذرا