Book Name:Mosam Sarma Ki Barkat
ان کے جاڑے اور گرمی دونوں کے کوچ میں میل دلایا ( رغبت دلائی ) تو انہیں چاہیے اس گھر کے رب کی بندگی کریں۔
یعنی قریش بھوکے تھے ، اللہ پاک نے انہیں رِزْق دیا ، یہ بےسرسامان تھے ، اللہ پاک نے ان کے لئے تجارت آسان فرمائی ، ان کے دِلوں میں تجارت کی رغبت ڈالی ، اب انہیں چاہئے کہ ان نعمتوں کا شُکْر ادا کریں ، کفر چھوڑیں ، شِرْک ( Polytheism ) سے توبہ کریں اور کعبہ شریف کے رَبّ یعنی ایک اللہ وَحْدَہٗ لَاشِریک کی عِبَادت کیا کریں۔
بنادے مجھے نیک نیکوں کا صَدقہ گناہوں سے ہردم بچا یاالٰہی !
مِرا ہر عمل بس ترے واسطے ہو کر اِخلاص ایسا عطا یاالٰہی !
عبادت میں گزرے مری زندگانی کرم ہو کرم یاخدا یاالٰہی !
گرمی اور سردی کی جُدا جُدا نعمتیں
پیارے اسلامی بھائیو ! ہم غور کریں ! اللہ پاک نے ہمیں بھی سردیوں اور گرمیوں کی جُدا جُدا نعمتیں عطا فرمائی ہیں ، سردیوں کی تجارت الگ ہے ، گرمیوں کی تجارت الگ ہے ، اب جیسے سردیاں آ چکی ہیں ؛ بازار چلے جائیں : کہیں گرم لباس ( جرسی ، سویٹر ، شالز وغیرہ ) کی دُکانیں نظر آئیں گی ، کوئی ٹھیلہ لگائے کھڑا ہو گا ، کہیں ڈرائی فروٹ ( Dry Fruit ) کی دُکانیں ہوں گی ، کہیں سردیوں کےپھل فروخت ہو رہے ہوں گے ، ایسے ہی گرمیوں میں گرمیوں والا لباس ، گرمیوں کے پھل ، سبزیاں وغیرہ فروخت ہو رہی ہوتی ہیں۔
یہ اللہ پاک کی کیسی عظیم نعمتیں ہیں... ! ! ہمیں سردیوں میں سردی کی ضرورت کی