حضرت علی المرتضیٰ رَضِیَ اللہ عنہ کی خدمت میں حاضِر ہوئے تو آپ نے حضرت علی رَضِیَ اللہ عنہ کے سامنے لوگوں کی تشویش بیان کی۔ اس پر مسلمانوں کے چوتھے خلیفہ حضرت علی المرتضیٰ شیرِ ِ خُدا رَضِیَ اللہ عنہ نے فرمایا : اے ابولیلیٰ ! کیاآپ خیبر کے دِن ہمارے ساتھ نہیں تھے ؟  کہا : بالکل میں ساتھ ہی تھا۔ فرمایا : غزوۂ خیبر کے روز اللہ پاک کے محبوب نبی ، رسولِ ہاشمی  صلی اللہ عَلَیْہِ وَ آلِہٖ وَسَلَّم نے جھنڈا عطا فرمانے کے لئے مجھے بُلایا ، میں حاضِر ہو گیا ، اس وقت میری آنکھوں میں تکلیف ( Pain )  تھی ، رسولِ خُدا ، احمدِ مجتبیٰ  صلی اللہ عَلَیْہِ وَ آلِہٖ وَسَلَّم نے میری آنکھوں میں اپنا لُعَاب مبارک ڈال دیا  ( جس سے میری آنکھوں کی تکلیف بالکل ختم ہو گئی )   ساتھ ہی آپ  صلی اللہ عَلَیْہِ وَ آلِہٖ وَسَلَّم نے میرے حق میں دُعا کی : اَللّٰهُمَّ اكْفِهِ الْحَرَّ وَالْبَرْدَ یااِلٰہی ! علی کو گرمی اور سردی سے محفوظ فرما۔ بَس ! اسی دِن سے مجھے نہ سردی لگتی ہے ، نہ گرمی لگتی ہے۔ ^{( [1] )}

اِجابت  کا سہرا   عِنایت   کا    جوڑا                                                               دُلہن  بن  کے نِکلی  دُعائے   مُحَمَّد

اجابت نے جُھک کر گلے  سے   لگایا        بڑھی   ناز   سے   جب   دُعائے    مُحَمَّد ^{( [2] )}

صَلُّوا عَلَی الْحَبیب !                                                صَلَّی اللّٰہُ  عَلٰی مُحَمَّد

کوئی موسم بُرا نہیں ہوتا

پیارے اسلامی بھائیو ! سردی ( Winter )  ہو یا گرمی ( Summer ) ، خزاں  ( Autumn )   ہو یا بہار ( Spring) ، سب موسم اللہ پاک نے بنائے ہیں ، سب ہی اچھے ہیں ، ہر موسم کے اپنے اپنے فوائد ہیں۔ یہ بھی اللہ پاک کی کمال حکمت ہے کہ اُس نے موسموں کی تقسیم رکھی ہے ، ورنہ ہم کمزور انسان تو مشکل میں آجاتے ، اب دیکھئے ! چند ماہ سردی لگاتار رہتی