میں اس سے بھی خوبصورت باغ دیا جائے گا۔ پِھر ہم چلتے چلتے ایک اور باغ کے قریب سے گزرے۔ میں نے عرض کیا: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! یہ بھی کتنا خوبصورت ہے۔ فرمایا: ‌لَكَ ‌فِي ‌الْجَنَّةِ ‌اَحْسَنُ ‌مِنْهَا  (یعنی اے علی!) تمہیں جنّت میں اس سے بھی خوبصورت باغ دیا جائے گا۔یونہی چلتے چلتے ہم 7 باغوں کے قریب سے گزرے، آپ صَلَّی اللہُ عَلَیْہِ وَ آلِہٖ وَ سَلَّم ہر بار یہی فرماتے رہے: ‌لَكَ ‌فِي ‌الْجَنَّةِ ‌اَحْسَنُ ‌مِنْهَا  (یعنی اے علی!) تمہیں جنّت میں اس سے بھی خوبصورت باغ دیا جائے گا۔^([1])  

میں گُنَاہوں کا مریض اور آپ ہیں میرے طبیب دیجئے! مجھ کو شِفا مولیٰ علی مشکل کُشا!

مغفرت کروائیے! جنّت میں لے کے جائیے!                   واسِطہ حسنین کا مولیٰ علی مشکل کُشا!

اشکبار آنکھیں عطا ہوں ، دِل کی سختی دُور ہو                دیجئے خوفِ خُدا مولیٰ علی مشکل کُشا!

بھیک لینے کے لئے دربار میں منگتا ترا                    لے کے کشکول آگیا مولیٰ علی مشکل کُشا!

کیوں پِھروں در در بھلا خیرات لینے کے لئے               میں     فقط     منگتا     تِرا     مولیٰ     علی     مشکل     کُشا! ^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

 (2):مولیٰ علی دِین کے لئے ڈھال ہیں

پیارے اسلامی بھائیو! ان آیاتِ کریمہ میں حضرت علی رَضِیَ اللہُ عنہ کو خَصَم فرمایا گیا، یعنی آپ وہ ذیشان ہیں کہ جب بھی اللہ پاک کے دِین کو للکارا جاتا ہے، اللہ پاک کی ذات و صفات کے بارے میں گستاخی کی جاتی ہے تو آپ ڈھال(Shield) بن کر دِین کی خدمت کے لئے کھڑے ہو جاتے ہیں۔