لوٹ آیا۔بعد میں امیر المؤمنین حضرت سیِّدُنا عمر فاروقِ اعظمرَضِیَ اللہُ  عَنْہُ سے میری ملاقات ہوئی تو آپ رَضِیَ اللہُ  عَنْہُ نے فرمایا:’’لَمْ اَرَكَیعنی آپ ہمارے پاس دوبارہ آئے ہی نہیں؟“میں نے عرض کیا:’’اے امیرالمومنین!میں تو آیا تھا مگر آپ حضرت  امیرمعاویہ رَضِیَ اللہُ  عَنْہُ کے ساتھ مصروفِ گفتگو تھے۔آپ کے بیٹے عبداللہ بن عمررَضِیَ اللہُ  عَنْہُ بھی باہر کھڑے انتظار کر رہے تھے(میں نے سوچا جب بیٹے کو اندر جانے کی اجازت نہیں ہے مجھے کیسے ہوسکتی ہے)لہٰذا میں ان کے ساتھ ہی واپس چلا گیا۔‘‘ آپ رَضِیَ اللہُ  عَنْہُنے فرمایا:”اَنْتَ اَحَقُّ بِالْاِذْنِ مِنْ عَبْدِ اللہِ ابْنِ عُمَرَ اِنَّمَا اَنْبَتَ فِيْ رُؤُوْسِنَااللہُ ثُمَّ اَنْتُم یعنی آپ میری اولاد سے زیادہ اس بات کےحق دار ہیں کہ اندر آجائیں۔ہمارے سروں پر یہ جو بال ہیںاللہ پاک کے بعد تم نے ہی تو اُگائے ہیں۔‘‘(تاریخ ابن عساکر ،۱۴/۱۷۶،ریاض النضرہ ،۱/۳۴۱)

صَلُّو ْا عَلَی الْحَبِیْب!                                                                                       صَلَّی اللہُ  عَلٰی مُحَمَّد

تذکرۂ امام حسین رَضِیَ اللہُ  عَنْہ  

پیارے اسلامی بھائیو ! 10 محرام الحرام وہ دن ہے کہ جس میں نواسۂ رسول، جگر گوشۂ بتول، سَیِّدُالشُّہدا، راکبِ دَوشِ مُصْطفےٰ، فرزندِ مَولا علی مُشکِل کُشا حضرت سیدنا امام حسین رَضِیَ اللہُ  عَنْہ کو ان کے ساتھیوں کے ساتھ کربلا کے تپتے ریگستان میں شہید کیا گیا۔ آئیے ثواب کی نیت سے حضرت سیدنا امام حسین رَضِیَ اللہُ  عَنْہ کا مختصر (Short)ذکرِ خیر سنتے ہیں:

* حضرت اِمام حسین رَضِیَ اللّٰہُ  عَنْہُ  کی وِلادَت 5 شعبان  4ھ کو مدینۂ مُنورہ زَادَہَا اللّٰہُ شَرَفًاوَّتَعْظِیْماً  میں ہوئی۔* حضرت اِمام حسین رَضِیَ اللّٰہُ  عَنْہُ کا نام حُضورِ اکرم، نبیِ محتشم صَلَّی اللہُ  عَلَیْہِ وَاٰلِہٖ وَسَلَّم نے ”حُسین“ اور”شبیر“ رکھا۔* حضرت اِمام حسین رَضِیَ اللّٰہُ  عَنْہُ کی کُنْیت ”ابو عبداللہ“اورآپ کا لَقب”سِبۡطُ رَسُوۡلِ اللہِ صَلَّی اللہُ  عَلَیْہِ وَاٰلِہٖ وَسَلَّم(رسول اللہ صَلَّی اللّٰہُ  عَلَیْہِ واٰلِہٖ وَسَلَّمَ کےنواسے) “ اور”رَیْحَانَۃُ