پیارے اسلامی بھائیو !  واقعی صحابَۂ کرام عَلَیْہِمُ الرِّضْوَان کی شان میں گستاخیاں کرنے اور ان کےبارے میں نازیباگفتگو کرنے والا بڑا بدبخت ہے۔ صحابَۂ کرام عَلَیْہِمُ الرِّضْوَان  تو وہ مقدس ہستیاں ہیں کہ پُوری اُمَّت میں جو شان و عظمت انہیں نصیب ہوئی وہ کسی غَیْرِ صحابی کو حاصل نہیں ہوسکتی۔چُنانچہ سُلطانِ عَرَب،محبوبِ ربّصَلَّی اللّٰہُ  عَلَیْہِ وَاٰلِہٖ وَسَلَّمَ  کا فرمانِ عالیشان ہے: تمہارا پہاڑ بھرسونا خَیْرات کرنا میرے کسی صحابی کے سَوا سیر جَو خَیْرات کرنے بلکہ اُس کےآدھے کے برابر بھی نہیں ہو سکتا۔(بخاری، کتاب فضائل اصحاب النبی،باب قول النبی لو کنت متخذا خلیلا، ۲ /۵۲۲،حدیث: ۳۶۷۳) 

 صَلُّو ْا عَلَی الْحَبِیْب!                                                                                     صَلَّی اللہُ  عَلٰی مُحَمَّد

 اہلِ بیت کی محبت کی اہمیت

پیارے اسلامی بھائیو ! صحابۂ کرام عَلَیْہِمُ الرِّضْوَان سے بُغْض رکھنے والے بحکمِ حدیث،اللہ پاک، اس کے فرشتوں اور تمام لوگوں کی لَعْنت کے حَقْدار ہیں۔اس لیے ہمیں صحابۂ کرام عَلَیْہِمُ الرِّضْوَان کے ساتھ ہمیشہ پیار اورادب کا تعلق رکھنا چاہیے، اللہ پاک ہمیں صحابۂ کرام   عَلَیْہِمُ الرِّضْوَان  کی محبت میں ہمیشہ گم رکھے، ان کی محبت کا چراغ ہمارے دلوں میں سدا روشن رہے اور ہم یہی جلتا ہوا چراغ لے کر قبر میں جائیں اور اس کی برکت سے ہماری قبر کا اندھیرا دور ہوجائے۔

یاد رکھئے! صحابۂ کرام عَلَیْہِمُ الرِّضْوَان کے ساتھ ساتھ اہلِ بیت عظام سے محبت و عقیدت کا دم بھرنا بھی ضروری ہے۔ صحابۂ کرام عَلَیْہِمُ الرِّضْوَان سےمحبت ہو اور دل مَعَاذَ اللہ     اہلِ بیت ِعظام کے بُغض سے بھرا ہو،یا اہلِ بیت کی محبت تو دل میں ہو ساتھ ہی صحابَۂ کرام عَلَیْہِمُ الرِّضْوَان سے مَعَاذَاللہ  دُشمنی کے بیج بھی دل میں ہوں ایسا ہرگزنہیں ہوناچاہیے۔

 بندۂ مومن کے لیے لازمی(Necessary) ہے کہ وہ صحابۂ کرام عَلَیْہِمُ الرِّضْوَان سے بھی محبت رکھے