ایک ماننے والے تھے) اورکبھی بھی اُنہوں نےغیرِ خدا کی عبادت نہیں کی تھی۔ رَسُول ِ پاک صَلَّی اللہُ عَلَیْہِ وَاٰلہٖ وَسَلَّم نے انہیں اپنی اُ مَّت میں شامل کرنے کے لیے دوبارہ زندہ فرما کر کلمہ پڑھایا۔ چنانچہ

آقا صَلَّی اللہُ عَلَیْہِ وَاٰلہٖ وَسَلَّم کے باپ دادا اہلِ ایمان تھے

حکیمُ الاُمّت حضرت مفتی احمد یار خان رَحْمَۃُ اللّٰہِ عَلَیْہِ  فرماتے ہیں:حضرت آمِنہ خاتون رَضِیَ اللہُ عَنْہَا کا اِیمان قرآنِ کریم کی واضح  آیت سے ثابت ہے۔حضرت اِبراہیم عَلَیْہِ السَّلَام  نے دُعا کی تھی: وَ مِنْ ذُرِّیَّتِنَاۤ اُمَّةً مُّسْلِمَةً لَّكَ ۪- ^([1])(ترجمۂ کنز الایمان:اور ہماری اَولاد میں سے ایک اُمَّت تیری فرمان بردار۔) پھر بارگاہِ خُداوندی میں عرض کی: رَبَّنَا وَ ابْعَثْ فِیْهِمْ رَسُوْلًا مِّنْهُمْ ⁽²⁾( ترجمۂ کنز الایمان:اے رَبّ ہمارے اور بھیج ان میں ایک رَسُول انہیں میں سے۔) خُدایا میری اَولاد میں ہمیشہ ایک مؤمن جماعت رہے اور اے مولیٰ اِسی مؤمن جماعت میں نبیِّ آخرُ الزّمان (صَلَّی اللہُ عَلَیْہِ وَاٰلہٖ وَسَلَّم)کو بھیج،حضرتِ  اِبراہیم خَلِیْلُ اللہ عَلَیْہِ السَّلَام  کی یہ دُعا یقیناً قبول ہوئی،حضور صَلَّی اللہُ عَلَیْہِ وَاٰلہٖ وَسَلَّم کے تمام آباء و اَجداد  (یعنی باپ،دادا، پَردادا اوپر تک ) سب کے سب اہلِ اِیمان مومن تھے۔ ⁽³⁾  

جنَّتی مچھلی

حضرت علّامہ اِسماعیل حقیرَحْمَۃُ اللّٰہِ عَلَیْہِ تفسیرِ رُوح ُالبیان میں نقل فرماتے ہیں:حضرتِ  یونس عَلَیْہِ السَّلَام تین،سات یا چالیس دِن مچھلی کے پیٹ میں رہےلہٰذا وہ