Book Name:Har Simt Chaya Noor Hay
آمنہ رَضِیَ اللہُ عَنْہا ارشاد فرماتی ہیں:”جب تک آپ صَلَّی اللّٰہُ عَلَیْہِ واٰلِہٖ وَسَلَّمَ میرے پیٹ میں تشریف فرما رہے ،میں نے کبھی درد وتکلیف،بوجھ یا پیٹ میں مروڑ محسوس نہ کی۔پورے نو(9) ماہ بعد آپ صَلَّی اللّٰہُ عَلَیْہِ واٰلِہٖ وَسَلَّمَکی ولادت ِباسعادت ہو گئی۔“(حکایتیں اور نصیحتیں، ص۴۶۸ تا۴۷۳ ملتقطاً)
حضرت بی بی آمنہ رَضِیَ اللہُ عَنْہا خود فرماتی ہیں:جب آپ صَلَّی اللّٰہُ عَلَیْہِ واٰلِہٖ وَسَلَّمَ اس کائنات میں تشریف لائے تو ایک نُور نکلا،جس سے ہر چیز روشن ہو گئی،یہاں تک کہ نُور کے علاوہ کچھ نظر نہ آتا تھا۔
(خصائص کبری، باب ما ظہر فی لیلۃ مولدہ من المعجزات و الخصائص،۱/۷۸ )
حضرت آمنہ رَضِیَ اللہُ عَنْہا مزید فرماتی ہیں:حضورِ انور صَلَّی اللّٰہُ عَلَیْہِ واٰلِہٖ وَسَلَّمَ کی ولادت کے وَقْت میں نے ایک نُور دیکھا،جس سے شام کے محلاّت روشن ہوگئے اور میں نے ان محلاّت کو دیکھا۔
(خصائص کبری، باب ما ظہر فی لیلۃ مولدہ من المعجزات و الخصائص،۱/۷۹ )
سرکار کی آمد …مرحبا سردار کی آمد …مرحبا آمنہ کے پھول کی آمد …مرحبا
رسولِ مقبول کی آمد …مرحبا پیارے کی آمد …مرحبا اچھے کی آمد … مرحبا
سچے کی آمد …مرحبا سوہنے کی آمد …مرحبا موہنے کی آمد …مرحبا
مُختار کی آمد …مرحبا پُرنور کی آمد …مرحبا سراپا نور کی آمد …مرحبا
مرحبا یا مُصْطَفٰے مرحبا یا مُصْطَفٰے مرحبا یا مُصْطَفٰے مرحبا یا مُصْطَفٰے
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
پیارےاسلامی بھائیو!نبیِّ رحمت صَلَّی اللّٰہُ عَلَیْہِ واٰلِہٖ وَسَلَّمَ اس کائنات میں بشر بن کر تشریف لائے۔ مگر آپ صَلَّی اللّٰہُ عَلَیْہِ واٰلِہٖ وَسَلَّمَ کی حقیقت نور ہے۔حکیمُ الاُمّت حضرت مفتی احمد یار خان رَحْمَۃُ اللّٰہ عَلَیْہ فرماتے ہیں:حضورِ پاک صَلَّی اللّٰہُ عَلَیْہِ واٰلِہٖ وَسَلَّمَ بشر بھی ہیں اور نور بھی یعنی نورانی بشر ہیں۔ظاہری جسم شریف بشر ہے اور حقیقت نور ہے۔ (رسالَۂ نُور مع رسائل نعیمیہ، ص۳۹)آپ صَلَّی اللّٰہُ عَلَیْہِ واٰلِہٖ وَسَلَّمَ