Book Name:Alfaz Ki Taseer Main Lehjay Ka Kirdar
اَلۡحَمۡدُ لِلّٰہِ رَبِّ الۡعٰلَمِیۡنَ وَالصَّلٰوۃُ وَالسَّلَامُ عَلٰی خَاتَمِ النَّبِيِّيْنَ
اَمَّا بَعۡدُ فَاَعُوۡذُ بِاللّٰہِ مِنَ الشَّیۡطٰنِ الرَّجِیۡمِ بِسۡمِ اللّٰہِ الرَّحۡمٰنِ الرَّحِیۡمِ
الفاظ کی تاثیر میں لہجے کا کردار
اللہ پاک کے آخری نبی صلی اللہ علیہ و اٰلِہ وسلم نے فرمایا: بے شک تمہارے نام مع شناخت مجھ پر پیش کیے جاتے ہیں لہٰذا مجھ پر اَحسن (یعنی خوبصورت الفاظ میں)دُرود پاک پڑھو۔ ([1])
صَلُّوْا عَلَی الْحَبِیْب! صَلّی اللہُ عَلٰی مُحَمَّد
حضرت ابوامامہ رضی اللہ عنہ فرماتے ہیں ’’ ایک نوجوان بارگاہِ رسالت صلی اللہ علیہ واٰلہٖ وسلّم میں حاضر ہوا اور اس نے عرض کی: یا رسولَ اللہ! صلی اللہ علیہ واٰلہٖ وسلّم مجھے بدکاری کی اجازت دیجئے۔یہ سن کر صحابۂ کرام رضی اللہ عنہ م اسے مارنے کے لئے آگے بڑھے اور کہنے لگے، ٹھہر جاؤ، ٹھہر جاؤ۔ رسول کریم صلی اللہ علیہ واٰلہٖ وسلّم نے ارشاد فرمایا ’’اسے میرے قریب کر دو۔ وہ نوجوان حضورِ اقدس صلی اللہ علیہ واٰلہٖ وسلّم کے قریب پہنچ کر بیٹھ گیا۔ حضور صلی اللہ علیہ واٰلہٖ وسلّم نے اس سے فرمایا ’’کیا تم یہ پسند کرتے ہو کہ تمہاری ماں کے ساتھ کوئی ایسا فعل کرے؟ اس نے عرض کی: یا رسولَ اللہ! صلی اللہ علیہ واٰلہٖ وسلّم خدا کی قسم! میں ہر گز یہ پسند نہیں کرتا۔ تاجدارِ رسالت صلی اللہ علیہ واٰلہٖ وسلّم نے ارشاد فرمایا: لوگ بھی یہ پسند نہیں کرتے کہ کوئی ان کی ماں کے ساتھ ایسی بری حرکت کرے۔پھر ارشاد فرمایا ’’کیا تم یہ پسند کرتے ہو کہ