ابنِ زیاد، ابنِ سَعد،شِمر، قیس ابنِ اَشْعَث کُندی ، خولی ابنِ یزید، سنان بن اَنَس نخعی، عبداللہ بن قیس ، یزید بن مالک اور باقی تمام اَشْقِیا جوحضرت امام حسین رَضِیَ اللّٰہُ تَعَالٰی عَنْہُ  کےقتل میں شریک تھے اور ساعی(کوشش کرنے والے ) تھے طرح طرح کی عُقوبتوں(تکلیف دہ سزاؤں) سے قتل کیے گئے اور ان کی لاشیں گھوڑوں کی ٹاپوں (کُھروں)سے پامال کرائی گئیں۔(روضۃ الشہداء (مترجم)، دسواں باب، فصل دوم، ج۲، ص۴۵۵ ماخوذاً)

صَلُّوا عَلَی الْحَبیب!              صَلَّی اللّٰہُ تَعَالٰی عَلٰی مُحَمَّد

یزید اور اس  کا کردار ِ  بد

یزید وہ بَد نَصِیْب شَخْص ہے جس کی پیْشانی پر اَہْلِ بَیْتِ کِرام عَلَیْہِمُ الرِّضْوَانکے بے گناہ قَتْل کا سِیاہ داغ ہے اور جس پر ہر زمانے میں دُنیائے اسلام مَلامَت کرتی رہی ہے اور قیامت تک اِس کا نام تحقیرکے ساتھ لیا جائے گا۔یہ بَد باطِن ،سِیاہ دل،ننگِ خاندان(خاندان کی ذلت کا باعث) تھا۔ نِہایَتْ موٹا، بَدْنما، کثیرُالشَّعْر(کثرت سے