یَا اَکْرَمَ الثَّقَلَیْنِ یَا کَنْزَ الْوَرٰی                  جُدْ لِیْ بِجُوْدِکَ وَاَرْضِنِیْ بِرِضَاکَ

اَنَا طَامِعٌ بِالْجُوْدِ مِنْکَ لَمْ یَکُنْ                           لِاَبِیْ حَنِیْفَۃَ فِی الْاَنَامِ سِوَاکَ

            یعنی اے جِنّ واِنْس سے بہتر اورنِعْمَتِ الٰہی عَزَّ  وَجَلَّکے خزانے ! اللہ عَزَّ  وَجَلَّ  نے جو آپ کو عنایت فرمایا ہے اُس میں سے مجھے بھی عطا فرمائیے اور اللہ عَزَّ  وَجَلَّ نے آپ کو جو راضی کیا ہے آپ مجھے بھی راضی فرمائیے۔میں آپ کی سَخَاوت کا امیدوار ہوں، آپ کے سوا اَبُوحنیفہ کا مَـخْلُوْق میں کوئی نہیں ۔

امام بوصیری نے مدد مانگی

            حضرتِ سَیِّدُنا اِمام شَرَفُ الدین بُوصِیْرِی رَحْمَۃُ اللّٰہ ِتَعَالٰی عَلَیْہ  اپنے شُہرۂِ آفاق’’قَصِیْدَۂِ بُرْدَہ‘‘ میں سرکارِ مدینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ   سے مددکی دَرْخواسْت کرتے ہوئے عرض کرتے ہیں:

یَااَکْرَمَ الْخَلْقِ مَا لِیْ مَنْ اَلُوذُ بِہٖ                                  سِوَاکَ عِنْدَ حُلُوْلِ الْحَادِثِ الْعَمَمٖ

اے تمام مَـخْلُوْق سے بہتر ،میرا آپ کے سواکوئی نہیں جس کی میں پَنَاہ لُوں مُصِیْبَت کے وقت۔

حاجی اِمْدَادُاللّٰہ مُہَاجِر مکی رَحْمَۃُ اللّٰہ ِتَعَالٰی عَلَیْہ  اپنے دِیوان’’ نالَـهِٔ اِمْدَاد‘‘ میں عرض گُزار ہیں:

لَگا تَکْیَہ گُناہوں کا پڑا دن رات سوتا ہوں                        مجھے اب خوابِ غفلت سے جَگا دو  یَا رَسُوْلُ لله

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

                                                                                                 (جنات کا بادشاہ، ص۵۔۱۳)

میٹھے میٹھے اسلامی بھائیو!سَرکارِ بَغْدَاد ،حُضُوْرِ غَوْثِ پاک رَحْمَۃُ اللّٰہ ِتَعَالٰی عَلَیْہ کی کرامات میں سے مُردوں کو زِندہ کرنا بھی ہے۔چنانچہ،

ڈوبی ہوئی بارات

شیخ طریقت، امیر اہلسنّت، بانیِ دعوتِ اسلامی حضرت علامہ مولانا ابو بلال محمد الیاس عطّار قادری رضوی ضیائی دَامَتْ بَـرَکاتُہُمُ الْعَالِیَہ  اپنے رِسَالے ”مُنّے کی لاش“ کے صفحہ 8 پر تَحْرِیْر فرماتے ہیں :