میں مُبْتَلا پائیں،نَمازوں میں کوتاہی کرتادیکھیں ،جھوٹ، غِیْبت و چُغلی،مُسَلمان کی دل آزاری وغیرہ گناہوں میں مُلَوَّث دیکھیں توپیٹھ  پیچھے اُس پر بے جاتنقید کرنے اور اُس کی بُرائی کر کے خُود غیبت کی گہری کھائی میں چھلانگ لگانے کے بجائے، اُس کو گناہوں کے دَلدَل سے نکالنے کی سَعی کریں، نِہایت نَرْمی اور پیار سے اُس کو سمجھانے اورثَوابِ آخِرت کے خَزانے سمیٹنے والے بنیں۔ہم خُلوصِ نیَّت کے ساتھ کسی کوسمجھائیں  گے تواِنْ شَآءَ اللہ عَزَّ  وَجَلَّ اِس کا فائدہ ضَرور ہوگا۔

میٹھے میٹھے اسلامی  بھائیو!اپنے اندر حِلْم کا مادہ پیدا کرنے اور غُصّہ کرنے کی عادتِ بد سے چھٹکارا پانے کیلئے  چند طریقے اور عِلاج سَماعَت کیجئےاور ان پر عمل کی کوشش بھی کیجئے۔

(1)سب سے پہلے اللہ عَزَّ  وَجَلَّ کی بارگاہ میں سچّے دِل سے گِڑگِڑا کردُعا کیجئے!کیونکہ تَوفِیْقِ خُداوَندی کے بِغَیْر انسان کسی بھی گُناہ سے بچنے کی طاقت نہیں رکھتا ۔  

(2)حِلْم کی عادت اپنانے کیلئے اس کے فَضائِل  پر مشتمل  رِوایات پڑھئے اوربُزُرگانِ دِینرَحِمَہُمُ اللہُ اْلُمِبْین کے واقِعات کا مُطالَعہ کیجئے۔

(3)اپنے نَفْس کواللہ عَزَّ  وَجَلَّکے عَذاب سے ڈرائیے کہ مجھے جس طرح اس شَخْص پر قُدرَت حاصِل ہے اس سے بڑھ کر اللہ عَزَّ  وَجَلَّ کو مجھ پر قُدرَت ہے۔اگر میں نے اس پر اپنا غُصّہ نکال دیا تو میں قِیامت کے دن اللہ عَزَّ  وَجَلَّکے غَضَب سے نہیں بچ سکوں گا۔

 (4)اِسی طرح غصے کے سبب ہونے والے طِبّی نُقصانات پرغَور کیجئے، مثلاًاس طرح صِحّت پر بُرا اثر پڑتا ہے۔

(5)کثرت سے تَوبہ واِستِغْفار کیجئے کہ اس کی بَرکت سے بھی اِنْ شَآءَاللہ عَزَّ  وَجَلَّ   اس عادت سے جان چھوٹے گی اور نفرت پیدا ہوگی ۔