دو مَدَنی پھول:(۱)بِغیر اَچّھی نِیَّت کے کسی بھی عَمَلِ خَیْر کا ثَوَاب نہیں مِلتا۔

                     (۲)جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں

        نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کی خاطِر جہاں تک ہو سکا دو زانو بیٹھوں گا۔٭ضَرورَتاً سِمَٹ سَرَک کر دوسرے کے لئے جگہ کُشادہ کروں گا۔٭دَھکّا وغیرہ لگا تو صَبْر کروں گا، گُھورنے،  جِھڑکنے اوراُلجھنے سے بچوں گا۔٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا۔٭ بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

          میٹھے میٹھے اسلامی بھائیو!اَلْحَمْدُ لِلّٰہ عَزَّ  وَجَلَّ شَوّالُ المُکَرَّمکامہینا اپنی برکتیں لُٹارہا ہے۔یہ وہ بابرکت مہینا ہے کہ جس میں اعلیٰ حضرت، امام اہلسنت مولانا شاہ احمد رضا خان رَحْمَۃُ اللّٰہ ِتَعَالٰی عَلَیْہ  کی ولادتِ باسعادت  ہوئی۔اسی مُناسَبت سےآج ہم اعلیٰ حضرت رَحْمَۃُ اللّٰہ ِتَعَالٰی عَلَیْہ کا ذِکْرِ خیر کرتے ہوئے آپ رَحْمَۃُ اللّٰہ ِتَعَالٰی عَلَیْہ کامختصرتَعارف اورآپ کےشوقِ علمِ دین  کے واقعات سُننے کی سعادت حاصل کریں گے ۔چُنانچہ

اعلیٰ حضرت کا تعارف

        اعلیٰ حضرت،امامِ اہلسنت مولانا شاہ امام احمدرضا خان رَحْمَۃُ اللّٰہ ِتَعَالٰی عَلَیْہ کی ولادتِ باسعادت بریلی شریف کے مَحلّے جَسولی  میں دس(10) شَوّالُ المُکَرَّم ۱۲۷۲ ؁ء بروزہفتہ بَوقتِ ظُہربمطابق چَودہ (14) جُون 1856 ؁ء کو ہوئی۔⁽¹⁾اعلیٰ حضرت رَحْمَۃُ اللّٰہ ِتَعَالٰی عَلَیْہخاندانی لحاظ سے پٹھان،مَسلک کے لحاظ سے حنفی،

۔۔۔۔۔۔۔۔۔۔۔۔۔۔

…حیاتِ اعلیٰ حضرت،۱/۵۸ملخصاً