ہر اک لیکے کیا کیا نہ حسرت سِدھارا            پڑا رہ گیا سب یونہی ٹھاٹھ سارا

جگہ جی لگانے کی دنیا نہیں ہے                 یہ عبرت کی جا ہے تماشا نہیں ہے

یہی تجھ کو دُھن ہے رہوں سب سے بالا        ہو زینت نرالی ہو فیشن نرالا

جیا کرتا ہے کیا یونہی مرنے والا                تجھے حُسنِ ظاہر نے دھوکے میں ڈالا

جگہ جی لگانے کی دنیا نہیں ہے                 یہ عبرت کی جا ہے تماشا نہیں ہے

وہ ہے عیش و عشرت کا کوئی محل بھی            جہاں تاک میں ہر گھڑی ہو اَجَل بھی

بس اب اپنے اِس جَہل سے تُو نکل بھی          یہ جینے کاانداز اپنا بدل بھی

جگہ جی لگانے کی دنیا نہیں ہے                 یہ عبرت کی جا ہے تماشا نہیں ہے

جب اس بزم سے اٹھ گئے دوست اکثر          اور اٹھتے چلے جا رہے ہیں برابر

یہ ہر وقت پیشِ نظر جب ہے منظر             یہاں پر تِرا دل بہلتا ہے کیوں کر

جگہ جی لگانے کی دنیا نہیں ہے                 یہ عبرت کی جا ہے تماشا نہیں ہے

صَلُّوْا عَلَی الْحَبِیْب!                               صَلَّی اللّٰہُ تَعَالٰی عَلٰی مُحَمَّد

محبتِ الٰہی کی8علامتیں

   میٹھے میٹھے اسلامی بھائیو!آئیے! دل میں محبتِ الٰہی بڑھانے کے لئے قرآن وحدیث اور اقوالِ بزگانِ دین کی روشنی میں ’’ محبتِ خداوندی‘‘کی 8 علامتیں سُنتے ہیں:

(1)قرآنِ کریم کی تلاوت کرنا اور اُس کا ترجمہ و تفسیر پڑھنا، سمجھنا محبتِ الٰہی کی علامت ہے۔ اللہ عَزَّ  وَجَلَّ  کے نیک بندے جب اس کا کلام سنتے ہیں اور اُس میں غور وفکر کرتے ہیں تو ان کی آنکھوں سے سیلِ اشک رواں ہوجاتا ہے۔ چنانچہ فرمانِ باری تعالٰی ہے۔