صَلُّوْا عَلَی الْحَبِیْب!               صَلَّی اللّٰہُ تَعَالٰی عَلٰی مُحَمَّد

      میٹھے میٹھے اسلامی بھائیو!معلوم ہوا کہ توکُّل دنیا و آخرت دونوں کے لئے مفید ہے،آئیے! اس کے مزید دنیوی  و اُخروی  فوائد سنتے ہیں۔

توکُّل کے فوائد:

(1)توکُّل کرنے والے پریشانیوں سے محفوظ ہوجاتے ہیں۔ جیساکہحضورداتاگنج بخش   علی ہجویری رَحْمَۃُ اللّٰہ ِتَعَالٰی عَلَیْہفرماتےہیں:ایک دن میرےمرشدِبرحق نے بَیْتُ الْجِن سےدَمِشقْ جانے کا ارادہ فرمایا،بارش  کی وجہ سے مجھےکیچڑ میں چلنےمیں  دشواری ہو رہی تھی مگر جب میں نےاپنےمرشدکی طرف دیکھا تو آپ کےکپڑےاورجوتیاں خشک تھیں ،میں نےآپ کی بارگاہ میں عرض کی(اوراس حیرت انگیز واقعےکی حکمت دریافت کی)توآپ نے جواباً ارشادفرمایا:ہاں!جب سےمیں نےتوکُّل کی راہ میں اپنے اِرادےکوختم کر کےباطن کولالچ کی وحشت سے محفوظ  (Safe)کیاہے،اس وقت سےاللہ عَزَّوَجَلَّنےمجھےکیچڑسےبچالیاہے۔( کشف المحجوب ،ص۲۵۵) یعنی توکُّل کی برکت سے دُنیوی مصیبتوں سے مجھے آزادی دے دی گئی ہے۔

(2)توکُّل مخلوق کی  مُحتاجی سے بچالیتا ہے بلکہ توکُّل اگر کامل ہوتو لوگ توکُّل کرنے والے کے مُحتاج ہوجاتے ہیں۔   جیسا کہ حضرت سلیمان خواص رَحْمَۃُ اللہِ تَعَالٰی عَلَیْہنے فرمایا: اگر کوئی شخص صدقِ نیت سے اللہ سُبحانہ و تَعَالٰی پر توکُّل کرے ، تو  اُمَراء اور غیر اُمَراء سب اس کے محتاج ہوجائیں گے، اور وہ کسی کا محتاج نہیں ہوگا، کیونکہ اس کا مالک عَزَّ  وَجَلَّ غنی وحمید ہے۔(منہاج العابدین، ص۱۰۴)

(3)میٹھے میٹھے اسلامی بھائیو!ہماری کامیابی میں   سب سے بڑا کردار ذہنی  اور قلبی سکون  کا ہوتا ہے اور اس کی بدولت ہی  انسان دنیا و آخرت میں سُرخْرو ہوتا ہے۔ یقیناً ذہنی و قلبی سکون  مال و دولت سے زیادہ  بیش قیمت خزانہ ہے اوریہ توکُّل کی برکت سے  حاصل کرکے دولت مند بنا جاسکتا ہے۔