پیارے پیارے اسلامی بھائیو! آپ نے سناکہ قرآنِ کریم کس قدر شاندار ، بے مثل و بے مثال اور رُشد وہدایت سے مالا مال كتاب ہے کہ دنیا کی رنگینیوں میں گم اورگناہوں میں ڈوبےہوئےشخص ، گانے باجے سننے کے شیدائی ، شراب نوشی کے عادی اور  گناہوں کی گندگی میں ڈوبے ہوئے شخص نے جب اس پاکیزہ کلام کی فکرِ آخرت پر مبنی آیاتِ مباركہ  سنیں تو دل کی دنیاہی بدل گئی ، اسےتوبہ کی توفیق ملی اور اس کا انداززندگی بالکل بدل گیا۔ بلا شبہ یہ کلام ِباری تعالیٰ کا ہی فیضان ہے کہ جس کی تلاوت سُن کر ہی دل لرز جاتے اور آنکھوں سے آنسو جاری ہوجاتے ہیں ، ایسا کیوں نہ ہو کہ یہ اللہ   پاک کا ایسا  پیارا اورسچا کلام ہےکہ اسےنازل فرمانے والا رَبُّ الْعَالَمِیْن  ہے تو لانے والے رُوحُ الْاَمِیْنیعنی حضرت جبریل عَلَیْہِ السَّلَام ہیں ، یہ کتابِ عظیم جن پر نازِل ہوئی ، وہ رَحْمَۃٌ لِّلْعَالَمِیۡن ہیں ، جس اُمَّت کیلئے آئی وہ سب اُمّتوں میں بہترین ہے ، جس زَبان میں اُتری وہ عربیِ مُبین ہے تو جس مہینے میں نازل ہوئی وہ تمام مہینوں میں مُعزَّ ز ترین ہے ، جس رات میں نازِل ہوئی وہ اَفْضل ترین ہے تو جن جگہوں میں اُتری وہ اَعْلیٰ ترین ہیں۔

اَلْحَمْدُ لِلّٰہ قرآنِ کریم وَحْیِ اِلٰہی ہے ، قُربِ خُداوَنْدی کاذریعہ ہے ، تمام آسمانی کتابوں کا خلاصہ ہے ، تمام عُلُوم کا سَرچشمہ ہے ، ہدایت کا مجموعہ ، رحمتوں اور برکتوں کا خزینہ ہے ، ایسا نُور ہےجس سے گمراہی کے تمام اَندھیرے دُور ہوجاتے ہیں ، اِصلاح و تَربِیَت کاایسا نِظام ہے کہ جو اِنسان کے ظاہر  وباطن کو پاک کر کے اسےمثالی بنادیتا ہے ، ایسا باوَفا ساتھی ہے ، جو قَبْر میں بھی ساتھ نبھاتا ہے ، نزع و قبر و حشر میں بھی وَفا کا حق اَدا کرے گا۔ اس میں بیمار دِلوں کے لئے شفا ہے ، جس نے اسے مضبو طی سے تھاما ، وہ ہدایت یافتہ ہو گیا ، جس نے اس پر عمل کیا وہ دُنیا و آخرت میں کامیابی پا گیا۔ آئیے!اس پاکیزہ کلام کی خوبیاں اور اس کی شان و شوکت خود اسی کی زبانی سُنتے ہیں چنانچہ پارہ 15سورۂ بنی اسرائیل کی