شعبہ ائمہ مساجد :

اَلْحَمْدُ لِلّٰہ عَزَّ  وَجَلَّدعوتِ اسلامی نیکی کی دعوت عام کرنے کیلئے80 سے زائد  شُعبہ جات میں کام کر رہی ہے ، اِنہی میں سے ایک ، شعبہ ’’ اَئمۂ  مساجد‘‘ بھی ہے ، جو مَساجد کی آبادکاری کیلئے ائمہ ومُؤذِّنین کی تَقرُّرِی کا کام سَراَنْجام دیتی ہےاوران کی خَیْرخَواہی کرتے ہوئے مناسب مُشاہرے بھی مُقَرَّر کرتی ہے ، تاکہ یہ اسلامی بھائی مُعاشی پریشانیوں سے آزادہوکر خُوب خُوب نیکی کی دعوت عام کرتے رہیں۔ مَساجدکوآباد کرنے میں اَئمہ ومُؤذِّنین کا اَہَمّ کردار ہوتاہے۔ اَلْحَمْدُ لِلّٰہ دعوتِ اسلامی کے دینی ماحول سے مُنْسلک اَئمۂ  کرام ، فجر کے لئے جگاتے ،  اِنْفِرادی کوشش کے ذَریعے نمازِ باجماعت کی طرف رَغْبت ، دَرسِ فیضانِ سُنَّت ، نمازِ فجر کے بعدتفسیر سننے سنانے کے حلقے میں شِرکت اورسُنَّتوں  کی تربیت کیلئے عاشقانِ رسول کے قافلوں کی بَرکت سے  مَسجدوں کو آباد رکھتے ہیں۔ فرمانِ مُصْطَفٰے صَلَّی اللہُ عَلَیْہِ واٰلہٖ وسلَّمہے : جو مسجد سے اُلفت رکھتا ہے ، اللہ اُس سےمَحَبَّت کرتا ہے۔ (مُعْجَمُ اَ وْسَط ، ۴ / ۴۰۰ ، حدیث : ۶۳۸۳) حضرت علّامہ عبد الرّؤف مَنَاوِی رَحْمَۃُ اللّٰہ عَلَیْہِ ِ لکھتے ہیں : مسجد سے اُلْفت ،  رِضائے الٰہی کے لئے اس  میں اعتکاف ، نماز ، ذِکْـرُاللہ اور شَرعی مَسائل سیکھنے سکھانے کے لئے بیٹھے رہنے کی عادت بنانا ہے اوراللہ تَعالیٰ کا اس بندے سے مَحَبَّت کرنا اس طرح ہے کہ اللہ   تعالیٰ اس کو اپنے سایۂ  رَحْمت میں جگہ عطا فرماتا اور اس کو اپنی حِفاظت میں داخل فرماتا ہے۔ (فیض القدیر ، ۶ / ۱۱۲)

صَلُّوْا عَلَی الْحَبِیْب!                                           صَلَّی اللہُ  عَلٰی مُحَمَّد

خوشبو کی سنّتیں اور آداب :

پیارے پیارے اسلامی بھائیو!آئیے!خوشبو کی سنتیں اور آداب  کے بارے میں چند