سے فیض لینے والے ہیں۔ ہم نے کوئی بھی چیز اپنانے سے پہلے یہ سوچنا ہے کہ کیا یہ چیز ہمارے دِین کو نقصان تو نہیں پہنچائے گی،کیایہ چیز، یہ عادت،یہ روایت، یہ رسم و رواج مجھے گمراہی کی طرف تو نہیں لے جائے گی،اگر ہم نے یہ نہ کیا بلکہ ہر چمکتی چیز (یعنی کفار کے طور طریقوں کو) بغیر سوچے سمجھے اپناتے چلے گئے تو یاد رکھ لیجئے! گمراہوں کے رستے کی پیروی کرنا مسلمانوں کا نہیں بلکہ کافِروں کا طریقہ ہے۔ اللہ پاک ہم سب کو ہمیشہ گمراہیوں سے بچنے کی توفیق عطا فرمائے، ہم سب کو سچا، پکا اور حقیقی مسلمان بننے کی توفیق عطا فرمائے۔ آئیےمل کر دعا کرتے ہیں

مُعَاف فضل وکرم سے ہو ہر خطا یارَبّ                                 ہو مغفرت پئے سلطانِ انبیاء یارَبّ!

نبی کا صدقہ سدا کے لئے تو راضی ہو                                                   کبھی بھی ہونا نہ ناراض یاخُدا! یَارَبّ!

ہمارے دِل سے نکل جائے اُلْفَتِ دُنیا                             دے دِل میں عشق محمد مرے رچا یارَبّ!^([1])

آمِیْن بِجَاہِ خَاتَمِ النَّبِیّٖنَ صَلَّی اللہُ عَلَیْہِ وَ آلِہٖ وَ سَلَّم۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

جہنمیوں کا چوتھا: جُرم قیامت کا اِنکار

روزِ قیامت جب جنتی جہنمیوں سے پوچھیں گے کہ تم کس سبب سے جہنّم میں پہنچے تو اس کے جواب میں اَہْلِ جہنّم اپنا چوتھا جُرْم بیان کرتے ہوئے کہیں گے:

وَ كُنَّا نُكَذِّبُ بِیَوْمِ الدِّیْنِۙ(۴۶)حَتّٰۤى اَتٰىنَا الْیَقِیْنُؕ(۴۷)  (پارہ:29، المدثر:46-47)

ترجمہ کنزُ العِرفان:اور ہم انصاف کے دن کو جھٹلاتے رہے یہاں تک کہ ہمیں موت آئی