دیں۔ آپ نے اس حَسْرَت کے ساتھ پُوری رات مُوَاجَہَۃ شریف (یعنی سنہری جالیوں) کے سامنے درودِ پاک پڑھتے ہوئے گُزاری مگر اس رات یہ سَعَادت قسمت میں نہیں تھی۔ دوسری رات آ گئی، آپ نے دردِ فِراق میں تڑپ کر یہ نعت شریف لکھی:

وہ سُوئے لالہ زار پِھرتے ہیں                                                               تیرے  دِن  اے بہار پِھرتے ہیں^([1])

اس نعت کے آخری شعر میں آپ نے کہا:

کوئی کیوں پوچھے تیری بات رضاؔ                                             تجھ سے شَیدا ہزار پھرتے ہیں

آپ نے عاجزی کرتے ہوئے شَیدا کی جگہ اپنے لئے کُتے کا لفظ استعمال فرمایا، بس یہ عاجزی کرنے کی دَیر تھی، اس وقت پردے اُٹھ گئے، محبوبِ ذیشان، مکی مَدَنی سُلطان صَلَّی اللہُ علیہ وَآلہٖ و َسَلَّم نے جاگتی آنکھوں سے آپ کو اپنا دِیدار عطا فرما دیا۔ ^([2])

شربتِ دِید نے اور آگ لگا دِی دِل میں

تَپِشِ دِل کو بڑھایا ہے بجھانے نہ دیا

اب کہاں جائے گا نَقشہ تِرا میرے دِل سے

تِہ میں رکھا ہے اِسے دِل نے گُمانے نہ دیا

سَجدہ کرتا جو مجھے اِس کی اِجازت ہوتی

کیا    کروں   اِذْن    مجھے   اِس   کا   خُدا   نے   نہ   دیا^([3])

پیارے اسلامی بھائیو! خُلاصۂ کلام یہ ہے کہ جو بھی غُلامِ مصطفےٰ، سچّا پکّا مسلمان، عاشِقِ