کے لئے  دعوتِ اسلامی کے  دینی ماحول سے وابستہ ہوجائیے اور ذیلی حلقے کے 12  دینی کاموں میں بھی بڑھ چڑھ کر حصّہ لیجئے۔ذیلی حلقے کے 12  دینی کاموں میں سے ماہانہ ایک  دینی کام ،راہِ خُدا میں سفر کرنے والے مدنی قافلوں میں عاشقِانِ رسول کے ہمراہ سُنّتوں بھرا سفر بھی ہے۔اَحادیثِ مُبارَکہ میں جابَجا راہِ خُدا میں سفر کے فَضائل بیان کئے گئے ہیں جیسا کہ حضرت  عائشہ صدیقہ رَضِیَ اللہُ  عَنْہَا سے روایت ہے کہ دو جہاں کے تاجْوَر، سلطانِ بَحرو بَر صَلَّی اللہُ  عَلَیْہِ وَاٰلِہٖ وَسَلَّمَ نے اِرْشادفرمایا:جس شخص کا دل راہِ خُدا میں خوف کی وجہ سے دَھڑکنے لگتاہے تواللہ پاک اس پرجہنَّم کو حرام فرمادیتاہے۔(مسند امام احمد،مسند السیدۃ عائشۃ،۹/ ۳۶۹  ،حدیث: ۲۴۶۰۲) ایک اور مَقام پر اِرْشادفرمایا:جس بندے کے پاؤں راہِ خُدا میں گردآلُود ہوں ،اُنہیں جہنّم کی آگ نہ چُھوئےگی۔(بخاری ،کتاب الجہادوالسیر، با ب من اغبر ت قد ماہ…الخ ،۲/ ۲۵۷، حدیث:۲۸۱۱)

صَلُّوْا عَلَی الْحَبِیْب!                                                                                            صَلَّی اللہُ  عَلٰی مُحَمَّد

 پیارے  اسلامی  بھائیو!بَیان کو اِخْتِتام کی طرف لاتے ہوئے سُنّت کی فضیلت ، چند سُنّتیں اور آداب بَیان کرنے کی سَعَادَت حاصِل کرتا ہوں۔تاجدارِ رسالت،شَہَنْشاہِ نُبُوَّت صَلَّی اللہُ  عَلَیْہِ وَاٰلِہٖ وَسَلَّمَ کا فرمانِ جنّت نشان ہے:جس نے میری سنّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا ۔^([1])

عِمامہ شریف کی سُنّتیں اور آداب

آئیے!شیخِ طریقت،امیرِاَہلسنّت دَامَتْ بَـرَکاتُہُمُ الْعَالِیَہ کے رسالے ’’163 مَدَنی پھول‘‘سےعمامہ شریف باندھنے  کی سُنّتیں اور آداب سنتے ہیں ۔

پہلےدو فرامینِ مُصطَفٰے صَلَّی اللہُ  عَلَیْہِ وَاٰلِہٖ وَسَلَّمَ مُلاحَظہ ہوں:”عمامے کے ساتھ دو رَکعت نَمازبغیر