Book Name:Yazeed Ka Dard Naak Anjaam
آخرت میں خَسارے کا باعث ہے،کیونکہ واقعۂ کربلا میں جتنے اَشْخاص شہید ہوئے، وہ سب کے سب اللہ پاک کے مُقَرَّب ترین اَولیائے کِرام رَحْمَۃُ اللّٰہِ عَلَیْہِمْ اَجْمَعِیْن میں سےتھے اور جو بد نصیب اللہ پاک کے اَولیا سے دُشمنی رکھتا ہے،اُسے اللہ پاک کی طرف سے اعلانِ جنگ دِیا جاچکا ہے،چُنانچہ
نبیِ اَکْرَم،نُورِ مُجَسَّم صَلَّی اللہُ عَلَیْہِ واٰلِہٖ وَسَلَّمَ فرماتے ہیں کہ اللہ پاک نے ارشاد فرمایا: مَنْ عَادَى لِي وَلِيًّا فَقَدْ آذَنْتُهُ بِالْحَرْبِ،یعنی جو میرے کسی ولی سے دُشمنی کرے، میں اُس سے اعلانِ جنگ کرتا ہوں۔([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو! یاد رکھئے!اگر چہ یزید پلید اَزْ خُود اِبْنِ زِیاد بَد نِہادکی فوج میں شامل نہ رہا مگر شہیدان و اَسِیْرانِ کربلا پر جس قدر بھی ظُلم و جَفا ڈھائے گئے، اُن میں اِبْنِ زِیاد بَد نِہاد کو نہ صرف یزید پلید کی بھرپُور رِضا مندی اور اُس کی مکمل تائید و حِمایت حاصل رہی بلکہ اُسی فاسِق و فاجر شخص کے حکم پر ظالِموں کے سردار اِبْنِ زِیاد بَد نِہاد اور اُس کے لشکریوں نےاَہْلِ بَیْتِ اَطْہار کی سرِ عام گُستاخیاں کیں اور تپتی دُھوپ میں میدانِ کربلا کی سَرزمین کوجاں نثاروں کے خُون سے رَنگین کِیا، لہٰذا یزید جیسے پلید و بد بَخْت کوبے قصورقرار دینا ،اَہْلِ بَیْتِ اَطْہاررِضْوَانُ اللّٰہ ِ عَلَیْہِمْ اَجْمَعِیْن سے غَدّاری، مُحِبّانِ اَہْلِ بَیْت کی دل آزاری،اللہاور اُس کے رسول صَلَّی اللہُ عَلَیْہِ واٰلِہٖ وَسَلَّمَ کی ناراضی نیزاللہ پاک کے قَہْر و غَضب اورجہنّم کی حَقْداری کاسبب ہے۔اس مُعامَلے میں خُلفائے راشِدین کا طرزِعمل ہمارے لئے مَشْعلِ راہ ہے، وہ حضرات اہْلِ بَیْتِ اَطْہاربالخُصوص امامِ عالی مَقام حضرت امام حُسَیْن رَضِیَ اللہُ عَنْہُ کی عزّت و نامُوس کے سچّے مُحافِظ تھے،یزید پلید سے اُنہیں سخت نَفْرت تھی نیز یہ نُفُوسِ قُدْسِیَہ اُس پلید کو اَمِیْرُ الْمُومنین کہنے والے بد