گُناہوں کے سبب گِروی رکھ دِیا گیا(یعنی تاقیامت مبُتلائے عذاب ہوگیا)،پھر روتے ہوئے کہنے لگے: ہم پر سب سے زِیادہ گِراں اُس کی بُری مَوت اور بُرا ٹِھکانہ ہے، اُس بَدبَخْت نے رَسُوْلُ اللہ صَلَّی اللہُ  عَلَیْہِ وَاٰلِہٖ وَسَلَّمَ کی اَولادکو قتل کِیا،شراب حلال کی اور کعبے کی بے حُرمتی کی ۔(الصواعق المحرقۃ،الباب الحادی عشر ،الخاتمہ فی بیان اعتقاد اہل السنۃ ، ص۲۲۴)

صَدْرُ الشَّریعہ، بَدرُ الطَّریقہ حضرت علّامہ مولانامُفتی محمد امجد علی اَعْظَمی رَحْمَۃُ اللّٰہ ِ عَلَیْہ  فرماتے ہیں:یزید پلید فاسق ،فاجر، مُرتکبِ کبائر(یعنی گناہِ کبیرہ کرنے والا) تھا،مَعَاذَ اللہ()اُس سے اور رِیْحانَۂ رسولُ الله صَلَّی اللہُ  عَلَیْہِ وَاٰلِہٖ وَسَلَّمَ  امام حُسَیْن رَضِیَ اللہُ  عَنْہُ سے کیا نسبت؟آج کل جو بَعْض گمراہ کہتے ہیں کہ ہمیں اُن کے مُعامَلہ میں کیا دَخْل؟ ہمارے وہ(یعنی امام حُسَیْن رَضِیَ اللہُ  عَنْہُ)بھی شہزادے (ہیں)، وہ(یزید پلید)بھی شہزادے (ہیں)ایسا بکنے والا مَردُود، خارِجی ،ناصبی(یعنی اپنے سینے میں حضرت علی اور حَسَن وحُسَیْنرَضِیَ اللہُ  عَنْہُم سے بُغْض و کینہ رکھنے والا ہے اور )مُسْتَحِقِّ جہنّم ہے۔(بہار شریعت،۱/۲۶۱، حصہ اوّل)

صَلُّوْا عَلَی الْحَبِیْب!                                                صَلَّی اللہُ  عَلٰی مُحَمَّد

پیغامِ کربلا

 پیارے  اسلامی بھائیو!یقیناً جب تک زمین و آسمان کا وُجود باقی رہے گا، واقعۂ کربلا عاشقانِ صحابہ و اہلبیت کو صَبْر و تَحَمُّل ،اِیثار و قربانی اور گلشنِ اسلام کی آبیاری کا دَرْس و پیغام دیتا رہے گا۔ جَفاکار و سِتَم شِعار یزیدیوں نے جس بے مُرُوَّتی اور بے دِینی کا مُظاہَرہ کِیا یقیناً تاریخ میں اُس کی مِثال نہیں مل سکتی،باوُجود یہ کہ گھر کا گھر سب لُٹ گیا،کئی بیبیاں بیوہ اور بچّے یتیم ہوگئے،امام رَضِیَ اللہُ  عَنْہُ کے ساتھی،ہاشمی جوان،مُسلم بن عقیل  و اَولادِ عقیل،فَرزَنْدانِ علی و شہزادَگانِ حَسَنَیْن کرِیْمَین رَضِیَ اللہُ  عَنْہُم اَجْمَعِیْن یزیدی لشکر کے زہریلے تِیر و تلوار اور نیزوں سے چَھلنی ہوکر وَقْفے وَقْفے سے نواسَۂ رسول کے قدموں پر نِثار ہوتے رہے،یزیدیوں کی بے مُرُوَّتی و بے غیرتی کا عالَم یہ تھا کہ دُودھ پیتا نَنّھا علی