غور کیجئے! اِن میں سے کون سا ایسا کام ہے جو آج ہمارے زمانے میں عام نہیں ہے۔رشتہ داروں سے تعلق توڑ دینا قیامت کی نشانیوں میں سے بتایا گیا ہے۔آج گھروں اور خاندانوں میں چھوٹی چھوٹی باتوں پر جھگڑے ہوتے ہیں اور پھریہی جھگڑے بڑھ کررشتہ داروں سے تعلق توڑ دینے کی صورت اختیار کر لیتے اور خاندان کے افراد کئی کئی سالوں تک ایک دوسرے کا منہ بھی نہیں دیکھتے۔

گناہوں کی کثرت کو بھی قیامت کی نشانیوں میں سے بیان کیاگیا ہے۔آج ہم اپنے معاشرے میں  دیکھیں تو ہمیں اندازہ ہوگا کہ وہ کون سا گناہ ہے جو ہمارے معاشرے میں نہیں پایا جارہا۔تنہائی ہو یا محفل، گھر ہو یا  بازار، شہر ہوں یا گاؤں ہر جگہ گناہوں کی بھرمار ہے۔ بلکہ اب تو گناہوں کی ایسی زیادتی ہے کہ خود کو گناہوں سے بچانا مشکل ترین کام ہوگیاہے۔قرآنِ پاک کو آراستہ کیا جانا بھی قیامت کی نشانیوں میں سے بیان ہوا ہے۔آج قرآنِ پاک کے غلاف کو، اُس کی بائینڈنگ(یعنی اُوپری جِلد ) اور صفحات کو تو بہت سجایا جاتا ہے مگر اپنے کردار کو قرآنی اخلاق سے آراستہ کرنے والے کم   ہیں۔آج قرآنِ پاک جہاں رکھا جائے اُس جگہ کی بھی سجاوٹ کا خیال رکھا جاتا ہے لیکن دل، دماغ، فکر اور سوچ بھی قرآنِ پاک کی تعلیمات سے سج جائے اُس کی طرف دھیان نہیں دیاجاتا۔

مَردوں کا  عورَتوں اور عورَتوں کا  مَردوں کی مُشابَہَت کرنا بھی قیامت کی نشانی ہے۔غور کیجئے! آج کون سا ایسا شعبہ اور کون سا ایسا کام ہے جس میں عورَتیں مَردوں کی اور مَرد عورَتوں کی نقل نہیں اُتار رہے۔ آج مَردوں میں دیکھیں تو کنگن پہننے، عورَتوں کی طرح لمبے بال رکھنے،عورَتوں کی طرح ناک اور کانوں میں زیورات پہننے،سر پر ہئیربینڈ(Hair Band) لگانے،ہاتھوں اورپاؤں کومہندی سے رنگنے سمیت اور کئی کاموں کا رواج بھی بڑھتا دکھائی دیتاہے، حالانکہ ہمارے آقا، مدینے والے مصطفے صَلَّی اللّٰہُ عَلَیْہِ واٰلِہٖ وَسَلَّمَ