دین پڑھیں گے مگر دین کے لیے نہیں۔*مَرد اپنی عورت کا فرما نبردار ہوگا۔ *ماں باپ کی نافرمانی کرے گا۔*اپنے اَحباب(دوستوں) سے میل جول رکھے گا اور باپ سے جدائی۔ *مسجد میں لوگ چِلّائیں گے۔ *گانے باجے کی کثرت ہوگی۔*اَگلوں(پچھلے وقتوں کے لوگوں) پر لوگ لعنت کریں گے،اُن کو بُرا کہیں گے۔^([1]) *ذَلیل لوگ جن کو تَن کا کپڑا، پاؤں کی جوتیاں نصیب نہ تھیں، بڑے بڑے محلّات میں فخر کریں گے۔^([2])

صَلُّو ْا عَلَی الْحَبِیْب!                             صَلَّی اللہُ عَلٰی مُحَمَّد

                              ابھی ہم نے قیامت کی نشانیوں کے بارے میں سُنا، قیامت کی کچھ نشانیاں ایسی ہیں جو پوری ہوچکی ہیں جبکہ کچھ نشانیاں ایسی بھی ہیں جو پوری ہونا باقی ہیں۔

(1) چاند کا پھٹ جانا

ایک نشانی جو پوری ہو چکی ہے،اُسے قرآنِ پاک میں بھی واضح طور پربیان کیا گیاہے،چنانچہ

 پارہ 27سُورۃُ القَمَر کی پہلی آیت میں اِرشاد ہوتا ہے:

اِقْتَرَبَتِ السَّاعَةُ وَ انْشَقَّ الْقَمَرُ(۱) (پ ۲۷، القمر:۱)

ترجَمۂ کنزُ العرفان: قیامت قریب آگئی اور چاند پھٹ گیا۔

                                                تفسیر صراط الجنان میں اِس آیتِ کریمہ کے تحت لکھا ہے:قیامت کے نزدیک ہونے کی نشانی ظاہر ہوگئی کہ نبیِّ کریم  صَلَّی اللہُ عَلَیْہِ وَاٰلِہٖ وَسَلَّمَ  کے معجزہ سے چاند 2 ٹکڑے ہو کر پھٹ گیا۔ چاند کا 2 ٹکڑے