(6) جو کسی مومن کو نقصان پہنچائے یا اس کے ساتھ دھوکہ بازی کرے وہ مَلْعُون ہے۔(لترمذی، کتاب البروالصلۃ، باب ماجاء فی الخیانۃوالغش، الحدیث:۱۹۴۸، ج۳،ص۳۷۸)

(7)  جو اپنے کسی مُسلمان بھائی کو اس کے کسی ایسے گُناہ پر عار(شرم)دِلائے گا، جس سے وہ توبہ کر چکا ہو تو، عار(شرم)دِلانے والا اس وقت تک نہیں مرے گا جب تک کہ وہ خُود اس گُناہ کو نہ کر لے۔ (احیاء علوم الدین،کتاب آفات اللسان،الآفۃ الحادیۃعشرالسخریۃوالاستھزاء،ج۳، ص۱۶۳)

صَلُّو ْا عَلَی الْحَبِیْب!                                                                                               صَلَّی اللہُ  عَلٰی مُحَمَّد

 پیارےاسلامی  بھائیو!اگر ہم بھی بیان کردہ فرامینِ مُصطفٰے صَلَّی اللہُ  عَلَیْہِ واٰلِہٖ وَسَلَّمَ پر عمل  کرنے میں کامیاب ہوجائیں تواِنْ شَآءَاللہہماری زِندگی میں  بھی نیکیوں کی مدنی بہارآجائے گی اور  گُناہوں بھری زِندگی سے چُھٹکارا مل جائےگا۔آئیے!ہم بھی پانچوں نمازیں  باجماعت پڑھنے،والدین اورتمام مُسلمانوں سے اچھاسُلُوک کرنے ،مُسلمانوں کی دل آزاری سے بچنے ،ان کا دل خُوش کرنے ،یتیموں پرشفقت کرنے،طاقت کے مطابق اہل و عیال کی مدنی تَربِیَت کرنے،مسلمانوں کواچھی باتیں بتانے ،ان کے عیبوں کو چھپانے،مُصیبت پر  صَبْرکرنے ،ظُلم و زِیادتی،فُحُش گوئی ،بُغْض وکینہ ،وعدہ خلافی ،دھوکہ دَہی  وغیرہ گُناہوں سے بچنے کی خُود بھی نِیَّت کرتے ہیں اور اِنْ شَآءَ اللہ دوسرے کو بھی بچائیں گے۔اس کے علاوہ  مکتبۃُ المدینہ کی دوکتب ”جنّت میں لے جانے والے اعمال“ اور ”جہنّم میں لے جانے والے اعمال“ کا مُطالعہ کیجئے۔ نیکیوں میں رَغْبت اور اِستقامت پانے کیلئے  ہر ماہ تین(3)دن کے مدنی قافلے میں سفر اور  نیک اعمال  پر بھی عمل کو اپنا معمول بنالیجئے۔

صَلُّوْا عَلَی الْحَبِیْب!                                                                  صَلَّی اللہُ  عَلٰی مُحَمَّد