دُوردراز علاقہ میں پہنچا دے۔حکم سُنتے ہی ہَوا نے اسے وَہیں پہنچادیا۔مَلَکُ الْمَوت عَلَیْہِ السَّلَام  جب دوبارہ آئے تو حضرت سلیمانعَلَیْہِ السَّلَام نے پُوچھا:تم میرے قریب بیٹھے شخص کو مسلسل کیوں دیکھ رہے تھے؟ مَلَکُ الْمَوت عَلَیْہِ السَّلَام نے کہا:مجھے اس پر حیرانگی ہورہی تھی کہ مجھےحکم یہ ملاتھا کہ کچھ دیر بعد اس کی رُوح ہند کے دُوردراز علاقہ میں قبض کروں حالانکہ وہ آپ کے پاس بیٹھاتھا۔(احیاء العلوم  ج ۵ ص۲۱۶)

پیارے  اسلامی  بھائیو!آپ نے سُنا کہ وہ شخص اس گُمان میں تھا کہ اگر میں مَلَکُ الْمَوت کی نظروں سے اَوجھل ہوکر کئی میل دُور چلاجاؤں گا تو شاید موت سے بچنے میں کامیاب ہوجاؤ ں مگرآہ! جس مقام پر اس کی موت  پہلے سے ہی لکھی جاچکی تھی وہ خُود وہاں پہنچ گیا۔ یادرکھئے !موت   کسی کو نہیں چھوڑتی  ہر جاندار کوموت کا مزا چکھنا پڑے گا۔چُنانچہ پارہ 17سُوْرَۃُ الْاَنبیا کی آیت نمبر 35 میں ارشاد ہوتاہے :

كُلُّ نَفْسٍ ذَآىٕقَةُ الْمَوْتِؕ-

(ترجَمۂ کنز العرفان :ہر جان  موت کا مزہ چکھنا چکھنے والی ہے)

 حکیمُ الاُمَّت،مُفْتی احمد یارخاننعیمی رَحْمَۃُ اللہِ  عَلَیْہ  اس آیتِ مُبارَکہ کے تَحت  فرماتے ہیں: اِنسان ہوں یا جنّ یا فِرِشتہ، اللہ  پاک کے سِوا ہر ایک کو موت آنی ہے ۔اور ہر چیز فانی ہے۔ ( نور ُالعرفان ،ص۱۱۷)

پیارے پیارے  اسلامی بھائیو !آپ نے سُنا کہ قرآنِ کریم  واضِح لفظوں  میں یہ  اعلان  فرمارہا ہے کہ موت ہر ایک کو آنی ہے اس سے کوئی نہیں بچ سکتا اس کے  باوُجُودبھی  ہم اس کی تیاری نہ کریں توکس قدر افسوس کی بات ہے ۔اگر کوئی شخص کسی پُر لُطف اور رَنگ وسُرور کی بڑی محفل میں شریک ہو اوراسےیہ خبر دے دی جائے کہ ابھی کوئی سپاہی آئے گااورتمہیں سب کے سامنے پانچ (5)کوڑے مارےگاتویقیناًاُسےوہ محفل بدمزہ اور زندگی