اِبنِ عَرَبی رَحْمَۃُ اللّٰہِ عَلَیْہ ایک جگہ دعوت میں تشریف لے گئے،آپ رَحْمَۃُ اللّٰہِ عَلَیْہ نے دیکھا کہ ایک نوجوان کھانا کھارہا ہے،جس کے بارے میں یہ مشہور تھا کہ اللہ  پاک کی عطا سے اسے چُھپے ہوئے معاملات اور قبر کے حالات کی خبر ہوجاتی ہے،جنَّت اوردوزخ کا حال بھی اسے معلوم ہوجاتا ہے۔کھانا کھاتے ہوئے اچانک وہ رونے لگا۔وجہ پوچھنے پر اس نے کہا: میری ماں دوزخ میں جل رہی ہے۔حضرت  شیخِ اکبر مُحْیُ الدِّین اِبنِ عَرَبیرَحْمَۃُ اللّٰہ  عَلَیْہ کے پاس کلمہ طیِّبہ ستَّر ہزار (70,000) مرتبہ پڑھا ہوا محفوظ تھا، آپ رَحْمَۃُ اللّٰہ عَلَیْہ نے اُس کی ماں کو دل ہی دل  میں اس کا ثواب پہنچادیا۔ فوراً وہ نوجوان ہنس پڑا اور بولا:اب اپنی ماں کو جنَّت میں دیکھ رہا ہوں۔(مِرْقاۃُ الْمَفاتِیح،۳ /۲۲۲ ،تحت الحدیث: ۱۱۴۲ )

صَلُّوْا عَلَی الْحَبِیْب!                                        صَلَّی اللہُ   عَلٰی مُحَمَّد

اےعاشقانِ رسول!آپ نےسنا کہ اس نوجوان نے اللہ پاک کی عطا کی ہوئی طاقت سے اپنی ماں کو دوزخ میں دیکھاتوحضرت ابنِ عَرَبی رَحْمَۃُ اللّٰہِ  عَلَیْہکی طرف سے كلمۂ طیبہ کا ثواب پہنچانے کی بَرَکت سے اس كی والدہ کو عذاب سے نجات مل گئی۔یاد رہے! جس حدیثِ پاک میں ستَّر ہزار (70,000)کلمہ طیِّبہ پڑھنے کی فضیلت ارشاد ہوئی ہے وہ یہ ہے: بے شک جس شخص نے ستّر ہزار (70,000)مرتبہ کہا: لَآاِلٰہَ اِلَّا اللہُ،اللہ  پاک اس کی مغفرت فرمائے گا اور جس کے لیے یہ کہا گیا اس کی بھی مغفرت فرمائے گا۔(مِرْقاۃُ الْمَفاتِیح،۳ /۲۲۲،تحت الحدیث:۱۱۴۲)

لہٰذا ہمیں چاہئےکہ زندگی میں کم از کم ایک بار ستَّر ہزار(70,000)کلمۂ طیبہ پڑھ لیں اورجو رشتے دارفوت ہو گئے ہوں اُ ن کواس کا ثواب پہنچادیں۔یہ تعداد ایک دن اور