مَدَنی پھول سنتے ہیں،چنانچہ

ایصال ثواب  کی برکت

مشہور صوفی بزرگ حضرت  امام محمد غزالی رَحْمَۃُ اللہِ عَلَیْہ  فرماتے ہیں:حضرت  حسن بصری رَحْمَۃُ اللہِ عَلَیْہ کی خدمتِ اَقدس میں حاضِر ہو کر ایک عورت نے عَرض کی: میری جوان بیٹی فوت ہوگئی ہے، کوئی ایسا طریقہ ارشادفرمادیجئے کہ میں اسے خواب میں دیکھ لوں۔ آپ رَحْمَۃُ اللہِ عَلَیْہ نے اُسے عمل بتایا۔ اُس نے اپنی مرحومہ بیٹی کو خواب میں اِس حال میں دیکھا کہ اُس کے بدن پر ڈامَر (Asphalt)کا لباس،گردن میں زنجیر اور پاؤں میں زنجیریں ہیں! اُس نے حضرت  حسن بصری رَحْمَۃُ اللہِ عَلَیْہ کو خواب سنایا،سُن کرآپ رَحْمَۃُ اللہِ عَلَیْہ بَہُت غمگین ہوئے۔کچھ عرصے بعد حضرت   حسن بصری رَحْمَۃُ اللّٰہ  عَلَیْہ  نے  خواب میں ایک لڑکی کو دیکھا، جو جنّت میں  تھی اور اس کے سر پر تاج(Crown)تھا۔ اس نے کہا اے حسن! کیا آپ  نے مجھے نہیں  پہچانا؟میں اُسی خاتون کی بیٹی ہوں، جس نے آپ کو میری حالت بتائی تھی۔آپ رَحْمَۃُ اللہِ عَلَیْہ نے فرمایا: کس وجہ سے تیری حالت بدلی جسے میں دیکھ رہا ہوں؟ مرحومہ بولی:قبرِستان کے قریب سے ایک شخص گزرا اور نبی ِ کریم صَلَّی اللہُ  عَلَیْہِ واٰلِہٖ وَسَلَّمَ پر دُرُود بھیجا،اُس کے دُرُود شریف پڑھنے کی بَرَکت سے اللہ کریم نے ہم ساڑھے پانچ سو (550)قبر والوں سے عذاب اُٹھالیا۔( مکاشفۃ القلوب، الباب السابع، ص ۲۴ ملخصاً)

صَلُّوْا عَلَی الْحَبِیْب!                                        صَلَّی اللہُ  عَلٰی مُحَمَّد

اےعاشقانِ رسول!دُرُود شریف کی فضیلت کے تَعَلُّق سے ابھی جو حکایت ہم نے سُنی، اس سے ثواب پہنچانے کی اَہَمِّیَّت واضح ہوجاتی ہے   کہ ایک لڑکی انتہائی درد ناک