دَربار میں اِس طرح کھڑا ہو جس طرح نماز میں کھڑا ہوتا ہے۔ یادرکھیں! سرکار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اپنے مزارِ پُر اَنوار میں عین حیاتِ ظاہری کی طرح زِندہ ہیں اور آپ کو یعنی حاضری  دینے والے کو بھی دیکھ رہے ہیں بلکہ آپ کے یعنی زائرکے دِل میں جو خَیالات آرہے ہیں اُن پر بھی مُطَّلع ہیں۔ خبردار! جالی مُبارَک کو بوسہ دینے یا ہاتھ لگانے سے بچیں کہ یہ خِلافِ اَدَب ہے کہ ہمارے ہاتھ اِس قابِل ہی نہیں کہ جالی مُبارَک کو چُھو سکیں، لہٰذا چار(4) ہاتھ (یعنی دو گز) دُور ہی رہیں،(ذرا سوچئےکہ )یہ شَرَف کیا کم ہے کہ سرکار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے آپ کو یعنی زائرکو اپنے مُوَاجَہَۂ اَقْدَس کے قریب بُلایا اور سرکار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کی نِگاہِ کَرَم اب خُصُوصِیَّت کے ساتھ آپ کی (یعنی زائرکی) طرف ہے٭اب (جبکہ)دل کی طرح آپ کا(یعنی زائرکا)مُونھ(مُنہ)بھی اس پاک جالی کی طرف ہوگیا ،جو اللہعَزَّ  وَجَلَّ کے محبوبِ عظیمُ الشّان صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی آرام گاہ ہے،  اَدَب اور شوق کے ساتھ دَرد بھری آواز میں اِن اَلفاظ کے ساتھ سلام عرض کیجئے:

اَلسَّلَامُ عَلَیْکَ اَیُّھَا النَّبِیُّ وَرَحْمَۃُ اللّٰہِ وَ بَرَکَاتُہُ اَلسَّلَامُ عَلَیْکَ یَارَسُوْلَ اللّٰہِ،اَلسَّلَامُ عَلَیْکَ یَاخَیْرَ

خَلْقِ اللّٰہِ،اَلسَّلَامُ عَلَیْکَ یَاشَفِیْعَ الْمُذْنِبِیْنَ،اَلسَّلَامُ عَلَیْکَ وَعَلٰی اٰلِکَ وَاَصْحَابِکَ وَاُمَّتِکَ اَجْمَعِیْنَ،^([1])

        مگر خیال رہے کہ سلام عرض کرتے ہوئےآواز نہ تو بہت بُلند اور سخت ہو کہ تمام اَعْمال ہی ضائِع ہو جائیں اور نہ ہی بہت آہستہ ہو بلکہ مُعْتَدِل (درمیانی)آواز ہونی چاہئے۔^([2])