فرمایا یعنی حَضْرت امامِ حسن اور حضرتِ امام حسین رَضِیَ اللہُ تَعَالٰی عَنْہُمَا ان کے صدقے میں رَضا کو میدانِ محشر میں ہر قسم کی مشکلات  وپریشانیوں سے بچا کر مسکراتے (یعنی کِھلتے )ہوئے پھول کی طرح کر دیجئے ۔ (شرح حدائقِ بخشش، ص:۲۱۷، ماخوذاً)

صَلُّو ْا عَلَی الْحَبِیْب!                              صَلَّی اللہُ تَعَالٰی عَلٰی مُحَمَّد

اہلِ  بیت کی مَحَبَّت ایمان کا جُز ہے :

میٹھے میٹھے اسلامی بھائیو!ایک مُسَلمان  کے لیے لازم ہے کہ وہ اپنی جان، مال، اولاد سے بڑھ کر سرکارِ مدینہ،قرارِ قلب وسینہ صَلَّی اللہُ تَعَالٰی عَلَیْہِ وَاٰلِہٖ وَسَلَّم سے مَحَبَّت رکھے، کیونکہ حُضُور عَلَیْہِ الصَّلٰوۃُ وَالسَّلَامکی مَحَبَّت ہی اصلِ ایمان ہے، اس کے بغیر دعویٔ ایمان ہر گز قابلِ قبول نہیں، آقا کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے مَحَبَّت کی علامت یہ بھی ہے کہ بندہ اُن تمام لوگوں سے بھی مَحَبَّت  کرےاور ان کا ادب و احترام کرےجن کو رَسُولُاللہصَلَّی اللہُ تَعَالٰی عَلَیْہِ وَاٰلِہٖ وَسَلَّم سے نسبت وتعلق حاصل ہے۔

یادرکھئے!صحابۂ کرام عَلَیْہِمُ الرِّضْوَانسے محبت کرنا محبتِ رسول کی عَلامت ہے۔ازواجِ مطہرات رَضِیَ اللہُ تَعَالٰی عَنْہُنَّ سے محبت کرنا محبتِ رسول کی عَلامت ہے۔اہلِ بیتِ اطہار رَضِیَ اللہُ تَعَالٰی عَنْہُمَا سے محبت کرنامحبتِ رسول کی عَلامت ہے۔ حَسَنَینِ کَریمَیْن رَضِیَ اللہُ تَعَالٰی عَنْہُمَا سے محبت کرنا محبتِ رسول کی عَلامت ہے۔

ہم کو سارے سیّدوں سے پیار ہے

اِنْ شَاۤءَ اللہ دو جہاں میں اپنا بیڑا پار ہے

صَلُّو ْا عَلَی الْحَبِیْب!                              صَلَّی اللہُ تَعَالٰی عَلٰی مُحَمَّد

        خود حدیثِ پاک میں اپنی اولاد کو اہلِ بیتِ کرام کی محبت سکھانے کی ترغیب مَوْجُود ہے،چنانچہ