(Fill) کرنے سے نیکیاں کرنے اور گناہوں سے بچنے کی عادت بنےگی۔ اِن 72 نیک اعمال میں سے ایک نیک عمل نمبر31 یہ ہے کہ کیا آج آپ نے ان سنّتوں پر کچھ نہ کچھ عمل کیا؟ (مسواک ، گھر میں آنا جانا ، سونا جاگنا ، قبلہ رُخ بیٹھنا وغیرہ)

 شعبہ تحفظِ اوراقِ مقدَّسہ :

دعوتِ اسلامی کے دینی ماحول میں ادب و آداب کا صرف درس ہی نہیں دیا جاتا بلکہ اس کیلئے عملی طور پر جدّ و جہد بھی کی جاتی ہے ،  جس کا اندازہ اس بات سے لگایا جاسکتا ہے کہ دعوتِ اسلامی جہاں سُنّتوں کی خدمت کے 80 سے زائد شعبہ جات میں مصروفِ عمل ہے ، وہیں اَلْحَمْدُلِلّٰہاس کا ایک باقاعدہ شعبہ  “ تَحَفُّظِ اَوراقِ مُقَدَّسَہ “ بھی ہے ۔ اس شعبے کا بنیادی مقصد مقدّس اوراق کا تحفظ کرنا  اور لوگوں کو ان کی پامالی اور بے ادبی سے بچانا ہے ۔ اسی عظیم جذبے کے تحت مجلس تَحَفُّظِ اَوراقِ مُقَدَّسَہ کے اسلامی بھائی مختلف شعبہ ہائے زندگی سے تعلق رکھنے والوں  (مثلاًعلماء ، ائمہ ، مسجد کمیٹیاں ، تاجر ، دُکاندار وغیرہ)کے تعاون سے مختلف مقامات پر اَوراقِ  مُقَدَّسَہ کے تَحَفُّظ کیلئے بکس (Box)یا بوریوں وغیرہ کی ترکیب بناتے ہیں اورشعبے کے دئیے ہوئے شرعی و تنظیمی اُصولوں کے مُطابق اَوراقِ  مُقَدَّسَہ کو دفن ، ٹھنڈا یا محفوظ کرنے کا بھرپور انتظام کرتے ہیں۔ اَلْحَمْدُلِلّٰہ! اسی شعبے کے تحت پاکستان کے تقریباً150سے زائد شہروں میں مختلف مقامات پرکم وبیش 27000 (ستائیس ہزار)باکس (Box) لگائے جاچکے ہیں اور اب تک اوراقِ مقدسہ کے تقریباً2 لاکھ سے زائد تھیلے محفوظ کئے جا چکے ہیں ۔

مزارات پر حاضری کے آداب :

پیارے پیارے اسلامی  بھائیو!آئیے!دعوتِ اسلامی کے اِشاعَتِی ادارے