Book Name:Qayamat Kay Din Kay Gawah
روزِ قیامت کیا جواب دیں گے... ؟
بعض آسمانی کتابوں میں ہے ، اللہ پاک فرماتا ہے : اے میرے بندے ! تُو کب تک میری نافرمانی کرتا رہے گا ؟ کیا میں نے تجھے اپنے دستِ قُدْرت سے پیدا نہیں کیا ؟ کیا میں نے تجھ میں رُوح نہیں پُھونکی ؟ کیا تُو نہیں جانتا کہ میں اطاعت کرنے والوں کے ساتھ کیسا معاملہ فرماتا ہوں ؟ کیا تُو نہیں جانتا کہ میں نافرمانی کرنے والوں کی کیسی گرفت کرتا ہوں ؟ کیا تجھے حیا نہیں آتی ؟ تُو مصیبت کے وقت مجھے یاد کرتا ہے مگر خوشحالی میں بُھول جاتا ہے ، نفسانی خواہشات نے تیرا دِل اندھا کر دیا ہے ، تُو کب تک سُستی کرے گا ؟ تیرے پاس اُس وقت کیا جواب ہو گا جب تیرے اَعْضَا تیرے خِلاف گواہی دیں گے ؟
یاالٰہی ! نامۂ اعمال جب کُھلنے لگیں عیب پوشِ خلق ستّارِ خطا کا ساتھ ہو
یاالٰہی ! جب بَہیں آنکھیں حسابِ جُرم میں اُن تبسّم ریز ہونٹوں کی دُعا کا ساتھ ہو
یاالٰہی ! جب حسابِ خندۂ بیجا رُلائے چشمِ گریانِ شفیعِ مُرتجٰے کا ساتھ ہو([1])
اے عاشقانِ رسول ! ہمیشہ یاد رکھئے ! اللہ پاک نے ہمیں پیدا کر کے بالکل بےلگام نہیں چھوڑ دیا ، اس دُنیا میں ہماری سخت نگرانی کی جا رہی ہے ، اَوَّل تو یہی کیا کم ہے کہ اللہ پاک دیکھ رہا ہے ، جو شرم و حیا والے ہیں ، اُن کے لئے تو اللہ پاک کا دیکھنا ہی گُنَاہ چھوڑنے کے لئے کافِی ہے ، پھر اس کے ساتھ ساتھ اور بھی گواہ ہیں ، جو ہمارے اَعْمَال کی سخت نگرانی کر رہے ہیں ، عُلَما ئے کرام فرماتے ہیں : روزِ قیامت لوگوں پر 6 گواہ ہوں گے :