Book Name:Chehra e Mustafa Dekhtay Rahey Gay
دعوت۔ اس بیان میں یہ مسئلہ بیان ہوا تھا؛ لوہے کی انگوٹھی پر چاندی کا پانی چڑھا دیا کہ لوہا بالکل نہ دکھائی دیتا ہو ، اس انگوٹھی کے پہننے کی (مرد و عورت کسی کو ) ممانعت نہیں۔
یہ مسئلہ اَصْل میں یُوں ہے : لوہے کی انگوٹھی پر چاندی کا خول چڑھا دیا۔ یعنی چاندی کے پانی کی جگہ چاندی کا خول ہے۔ مطلب یہ کہ لوہے کی انگوٹھی پر اگر ( چاندی کا پانی نہیں بلکہ ) چاندی کا خول چڑھا دیا جائے کہ لوہا بالکل نہ دِکھائی دیتا ہو ، اس انگوٹھی کو پہننے کی ( مرد و عورت دونوں کو ) اجازت ہے۔ البتہ مرد کے لئے وَزْن کی قید اب بھی رہے گی کہ وہ ساڑھے چار ماشے سے کم وزن کی ہی انگوٹھی پہن سکتا ہے۔
صَلُّوْا عَلَی الْحَبِیْب ! صَلَّی اللہ عَلٰی مُحَمَّد
دعوتِ اسلامی کے ہفتہ واراجتماع میں پڑھے جانے والے
6 دُرودِ پاک اور 2 دُعائیں
( 1 ) شبِ جُمعہ کادُرُود
اَللّٰہُمَّ صَلِّ وَسَلِّمْ وَبَارِکْ عَلٰی سَیِّدِنَا مُحَمَّدِ نِالنَّبِیِّ الْاُمِّیِّ
الْحَبِیْبِ الْعَالِی الْقَدْرِالْعَظِیْمِ الْجَاہِ وَعَلٰی اٰلِہٖ وَصَحْبِہٖ وَسَلِّمْ
بُزرگوں نے فرمایا کہ جو شَخْص ہر شبِ جُمعہ ( جُمعہ اور جُمعرات کی دَرمِیانی رات ) یہ دُرُود شریف پابندی سے کم از کم ایک مرتبہ پڑھے ، مَوْت کے وَقْت سرکارِ مدینہ صَلَّی اللہ عَلَیْہِ وَاٰلِہٖ وَسَلَّم کی زِیارت کرے گا اورقَبْر میں داخل ہوتے وَقْت بھی ، یہاں تک کہ وہ دیکھے گا کہ سرکارِ مدینہ صَلَّی اللہ عَلَیْہِ وَاٰلِہٖ وَسَلَّم اُسے قَبْر میں اپنے رَحْمت بھرے ہاتھوں سے اُتار رہے ہیں۔( [1] )