امام حسن بصری رَحمۃُ اللہِ عَلَیْہ    کی نصیحت

حضرت ربیع بن صبیح رَحمۃُ اللہِ عَلَیْہ   فرماتے ہیں  : ہم نے حضرت حسن بصری رَحمۃُ اللہِ عَلَیْہ سے عرض کیا: ہمیں   نصیحت فرمائیےتو انہوں   نے فرمایا: * تم میں   سے جو تندرست (Healthy) ہے،اسے بیماری لگے گی،جو اُسے مصیبت زدہ (Distressed)کر دے گی *جوان کو بڑھاپا آئے گا، جو اُسے فنا کر دے گا*اور بوڑھے کو موت آجائے گی، جو اُسے ہلاک کر دے گی *  کیا انجام ویسے نہیں، جیسےتم سن رہے ہو؟* کیا کل روح جسم سے جُدا نہیں   ہوگی؟* کیا بندہ اپنے اہل اور مال(Family & Wealth) سے دور نہیں   ہو گا؟* کیا کل کفن میں   نہیں   لپٹا ہوگا؟* کیا کل قبر میں   نہیں   ہوگا؟* کیا جن کے لئے بندہ کوشش کرتا رہتااورغمگین ہوتا تھا، ان دلوں   سےاس کی یادمٹ نہیں   جائےگی؟ * اے انسان!جب تجھے موت آئے گی تو تُو نہ کسی آنے والے کااستقبال کر سکے گا،  نہ کسی کی ملاقات(Meeting) کو جا سکے گا * نہ کسی سے بات کر سکے گا *  تجھے پکارا جائے گا مگر تُو جواب  نہیں    دے سکے گا * بیشک تیرے  حق میں   شہر وِیران (Deserted) ہو گئے *تیری آنکھیں کُھلی کی کُھلی رہ گئیں *روح پرواز کر گئی*تیری اولاد(Children) دُوسروں   کےرحم وکرم پررہ  گئی۔^([1])

قبر کا جواب

حضرت  مالِک بن دینار رَحمۃُ اللہِ عَلَیْہ ایک دفعہ موت کے بارے میں غور و فکر اور حصولِ عِبرت کی غرض سے قبرستان(Cemetery) تشریف لے گئے اور وہاں جا کر یہ اَشعار پڑھے:

اَتَیْتُ الْقُبُوْرَ فَنَادَیْتُھَا                                                                                                               فَاَیْنَ الْمُعَظَّمُ  وَ الْمُحْتَقَر

وَ اَیْنَ الْمُدِلُّ بِسُلْطَانِہٖ                                                                                                              وَ اَیْنَ الْعَزِیْزُ اِذَا مَا افْتَخَر