Book Name:Ghazwa e Badr Aur Shan e Mola Ali
ہو نہ ہو آج کچھ مِرا ذِکر حضور میں ہوا
ورنہ مِری طرف خوشی دیکھ کے مسکرائی کیوں([1])
وضاحت:لگتا ہے کہ آج میرا ذکر حضورِ اکرم، نورِ مُجَسَّم صَلَّی اللہُ عَلَیْہِ وَ آلِہٖ وَ سَلَّم کی بارگاہ میں ضرور ہوا ہے، جبھی تو یہ خوشیاں مجھے دیکھ کر مسکرا رہی ہیں۔
ہمیں کثرت کے ساتھ درودِ پاک پڑھنا چاہئے، مسلمانوں کے چوتھے خلیفہ حضرت علی المرتضیٰ رَضِیَ اللہُ عنہ فرماتے ہیں: اِذَا مَرَرْتُمْ بِالْمَسَاجِدِ فَصَلُّوا عَلَى النَبِیِّ صَلَّی اللہُ عَلَیْہِ وَ آلِہٖ وَ سَلَّم یعنی جب مسجد کے قریب سے گزرو تو اس وقت بھی سرکارِ عالی وقار، مکی مَدَنی تاجدار صَلَّی اللہُ عَلَیْہِ وَ آلِہٖ وَ سَلَّم پر درود پڑھا کرو! ([2])
اللہ پاک ہمیں *مسجد کو دیکھ کر *مسجد میں آ کر *نماز سے پہلے *نماز کے بعد بلکہ *اُٹھتے *بیٹھتے *چلتے پھرتے، کثرت کے ساتھ درودِ پاک پڑھتے رہنے کی توفیق نصیب فرمائے۔ آمِیْن بِجَاہِ خَاتَمِ النَّبِیّٖنَ صَلَّی اللہُ عَلَیْہِ وَ آلِہٖ وَ سَلَّم۔
ذاتِ والا پہ بار بار درود بار بار اور بے شمار درود
بے عدد اور بے عدد تسلیم بے شمار اور بے شمار درود
بیٹھتے اُٹھتے جاگتے سوتے ہو الٰہی مرا شعار درود
شہر یارِ رُسُل کی نذر کروں سب درودوں کی تاجدار درود([3])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد