Book Name:Fazail e Hassnain Karimen
والد حضرتِ علی ،بھائی امامِ حُسین اور دیگر اکابر صحابہ سے احادیث روایت کیں۔اور آپ رَضِیَ اللہُ عَنْہ اپنی اور اپنے بھائی کی اَوْلاد کو حُصُول ِ تَعلیم کے بارے میں بڑی تاکید کرتے ،ایک بار اِرشاد فرمایا : علم حاصل کرو! آج تو تم قوم میں سب سے چھوٹے ہو۔ لیکن کل تم اِن کے بڑے بنو گے۔اور تم میں سے جس میں یاد رکھنے کی طاقت نہ ہوتواُسے چاہیے کہ وہ لکھ لیا کرے۔(تاریخ دمشق،ج۱۳،ص۲۵۹) آپ رَضِیَ اللہُ عَنْہ کے عِلْم و فَضْل کا اندازہ آپ رَضِیَ اللہُ عَنْہکے اِن جوابات سے لگایا جا سکتاہےجو آپ رَضِیَ اللہُ عَنْہ سے امیرُالمؤمنین حضرتِ سیّدُنا مَولیٰ علی مُشکل کُشا کَرَّمَ اللہُ وَجْہَہُ الْکَرِیْم نے پوچھے ۔آئیے اِن حَضْرات کی عِلْم وحِکمت سے بھرپور گفتگو سے چند مدنی پھول سنتے ہیں،چنانچہ حضرتِ مَوْلیٰ علی کَرَّمَ اللہُ وَجْہَہُ الْکَرِیْم نے اِسْتِفْسَار فرمایا : میرے بیٹے بتاؤ ! راست رَوِی(یعنی سچائی ودِیانَتْداری) کیا ہے؟
* عرض کی: راست رَوِی بھلائی کے ذریعے بُرائی کو دُور کرنے کا نام ہے۔
* پھر اِسْتِفْسَارفرمایا:عزّت و بلندیِٔ مرتبہ کس چیز میں ہے؟
* عرض کی: رِشتہ داروں اور قبیلہ والوں کے ساتھ بھلائی و تَعَاوُن کرنے میں۔
* اِسْتِفْسَارکیا: شَفْقَت ومہربانی کس میں ہے؟
* عرض کی: قَنَاعت اِخْتِیار کرنے اور کسی کو حقیر وذلیل نہ جاننے میں۔
* اِسْتِفْسَارکیا: مَلامت کیا ہے؟
* عرض کی: خود کو محفوظ رکھنا اور دوسرے کو ذلیل ورُسوا کرنا۔
* اِسْتِفْسَارفرمایا: سَخَاوت کیا ہے؟