Book Name:Fazail e Hassnain Karimen
بنیں بلکہ وہ بد بَخْت اِیذائے مُسْلِم جیسے حرام اور جنہّم میں لے جانے والے کاموں میں مُبْتلا کردیتا ہے ۔یادرکھئے ! مسلمان مسلمان کا خَیْر خَوَاہ ہوتا ہے اگر کبھی شیطان کے بہکاوے میں آکر غلطی ہوجائے اورکسی کو ہماری طرف سے تکلیف پہنچ جائے تو اللہ پاک سے ڈر کر فَوْراً اپنے مسلمان بھا ئی سے سچّے دل سے مُعافی مانگ لینی چاہیے۔ہرگز ہرگز سُستی و شَرْم سے کام نہیں لیناچاہیے کہ کہیں ایسا نہ ہو کہ دنیا میں ہماری شَرْم کل بروزِ قِیَامت ساری مخلوق کے سامنے شَرْمِنْدگی اوررُسوائی کا سَبَب بنے۔
صَلُّو ا عَلَی الْحَبِیب ! صلَّی اللہُ علٰی محمَّد
پیارے اسلامی بھائیو ! حضرت سَیِّدُنا امام حَسن اور سَیِّدُنا امام حُسین رَضِیَ اللہُ عَنْہما نے چونکہ مَدِیْنَۃُ الْعِلْم نبیِّ کریم ،رؤفٌ رَّحیم صَلَّی اللّٰہُ عَلَیْہِ واٰلہٖ وسلَّم اور بابِ مَدِیْنَۃُ الْعِلْم امیرُالمؤمنین حضرتِ سیّدُنامَولیٰ علی کَرَّمَ اللہُ وَجْہَہُ الْکَرِیْم کی زیرِ نگرانی پَرْوَرِش پائی ،تو اِن دونو ں مُعَظَّم ْہستیوں کے فیضانِ تَرْبِیَت کی برکت سے دونوں شہزادے بھی عِلم و فَضْل میں مُمتازونُمایاں مَقام رکھتے ہیں۔آئیے دونوں کے عِلمی مقام ومرتبے کے بارے میں سنتے ہیں ۔
حضرت سَیِّدُنا امام حسن رَضِیَ اللہُ عَنْہ عُمر بھر احادیثِ مُبارکہ سیکھنے اور اِنکی اِشاعت و تَرْوِیْج میں کُوشاں رہے۔ آپ رَضِیَ اللہُ عَنْہ نے براہِ راست تاجدارِ مدینہ ، سُرورِ قَلْب وسینہ صَلَّی اللہُ عَلَیْہِ وَاٰلِہٖ وَسَلَّم سے احادیث سنیں،رسولُاللہ صَلَّی اللہُ عَلَیْہِ وَاٰلِہٖ وَسَلَّم کےعِلاوہ اپنے