Book Name:Fazail e Hassnain Karimen
ہمیں اپنے اسلاف کے نقشِ قدم پہ چلنے کی توفیق عطا فرماۓ۔ اٰمین بِجاہِ النَّبِیِّ الْاَمین صلَّی اللہ علیہ واٰلہٖ وسلَّم
پیارے اسلامی بھائیو ! ابھی ہم نےحضرت سَیِّدُنا امام حَسنرَضِیَ اللہُ عَنْہکے فرامینِ مبارکہ سے علم وحِکمت کے بہت سے مَدَنی پھول چننے کی سعادت حاصل کی ،آپ رَضِیَ اللّٰہُ عَنْہ کے چھوٹے بھائی حضرت سیّدُنا امامِ حسین رَضِیَ اللہُ عَنْہ بھی میدانِ علم میں یگانۂ روزگار(بے مثل)تھے۔آپ نے بھی شہرِ علم جنابِ رسولُاللہ صَلَّی اللہُ عَلَیْہِ وَاٰلِہٖ وَسَلَّم اور دروازہ ِٔ شہر ِ علم امیرُالمؤمنین حضرتِ سیّدُنا مَولیٰ علی مشکل کُشا کَرَّمَ اللہُ وَجْہَہُ الْکَرِیْم سےعلمِ دین کا بیش بہا خزانہ پایا ۔آپ رَضِیَ اللہُ عَنْہ کی علم سے بھر پور گُفتگو ایسی دلکش ہواکرتی تھی کہ لوگوں کی یہ خواہش ہوتی آپ رَضِیَ اللہُ عَنْہ خاموش نہ بیٹھیں بلکہ عِلم و حِکمت کے مَدَنی پھول لُٹاتے ہی رہیں۔ آپ رَضِیَ اللہُ عَنْہ نے اپنے جدِکریم ، مومنوں کیلئے رؤوف ورحیم، شفیعُ الْمُذْنِبِیْن صَلَّی اللہُ عَلَیْہِ وَاٰلِہٖ وَسَلَّم سے اوراپنے والدِمحترم،والدۂِ مُحترمہ اورامیرُالمؤمنین حضرتِ سیّدُنا عمرِ فاروق عَلَیْہِمُ الرِّضْوَان سے احادیث سنیں اور رِوَایت کیں۔اور آپ رَضِیَ اللہُ عَنْہ سے رِوَایت کرنے میں آپ رَضِیَ اللہُ عَنْہ کے بھائی اما م حسن ، آپ کے شہزادے امام زینُ العابدین ،آپ کی صاحِبْزادیاں ، پوتے امام باقر عَلَیْہِمُ الرِّضْوَان سمیت دیگر عُلماء و مُحَدِّثِیْن شامل ہیں۔ (الاصابہ ، ج۲ ، ص۶۸)
آپ رَضِیَ اللہُ عَنْہ کا مُستقل علمی حلقہ مسجدِ نَبوی میں لگا ہوتاجس میں آپ رَضِیَ اللہُ عَنْہ