برکت سے اللہ پاک نے مجھے بخش دیا۔^([1])

سُبْحٰنَ اللہ!سُبْحٰنَ اللہ!امام عالی مقام، امام حُسَیْن رَضِیَ اللہُ عنہ سے اِظْہارِ محبّت کا کیسا اِنْعام ملا...!! اللہ پاک ہم سب کو امامِ عالی مقام، امام حُسَیْن رَضِیَ اللہُ عنہ کی سچی، پکّی، اِیْمانی محبّت نصیب فرمائے۔ اللہ پاک ہماری نسلوں (Generations) کو بھی صحابہ و اَہْلِ بیت کا سچّا پکّا عاشِق بنائے۔ اٰمِیْن بِجَاہِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَسَلَّم۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

امام حُسَیْن رَضِیَ اللہُ عنہ کا مختصر تَعَارُف

*سلطانِ کربلا، سَیِّدُ الشُّہَداء، امامِ عالی مقام، امامِ عرش مقام، امام حُسَیْن رَضِیَ اللہُ عنہ نواسۂ رسول ہیں *مولائے کائنات، مولا علی اور جگر گوشۂ رسول، سیدہ فاطمہ بتول رَضِیَ اللہُ عنہما کے شہزادے ہیں *امام حُسَین رَضِیَ اللہُ عنہ 5 شعبان، سن 4 ہجری کو مدینہ منورہ میں پیدا ہوئے *پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  نے آپ کا نام:حُسَیْن اور شبیر رکھا *امام حسین رَضِیَ اللہُ عنہ کی کنیت:ابو عبد اللہ ہے *لقب: سِبْطِ رسول (رسولِ پاک  صَلَّی اللہُ عَلَیْہِ وَ آلِہٖ وَسَلَّم  کے نواسے) اور رَیْحَانَۃُ الرَّسُول (یعنی رسول اللہ  صَلَّی اللہُ عَلَیْہِ وَ آلِہٖ وَسَلَّم   کے پھول) ہے^([2])

 پیارے اسلامی بھائیو! امام حُسَین رَضِیَ اللہُ عنہ کی وِلادت کے ساتھ ہی آپ کی شہادت کی خبر بھی مشہور (Famous)ہو گئی تھی، حضرت جبریلِ امین عَلَیْہِ السَّلام نے بارگاہِ رسالت میں حاضِر ہو کر خبر دی کہ یارسولَ اللہ  صَلَّی اللہُ عَلَیْہِ وَ آلِہٖ وَسَلَّم ! آپ کے نواسے کو آپ کی اُمَّت