Book Name:Qiyamat Ki Alamaat
گے تو خود بھی گمراہ ہو جائیں گے اور دوسروں کو بھی گمراہ کردیں گے۔([1])*جہالت کی کثرت ہوگی۔* بدکاری اور شراب خوری عام ہوگی۔*مَرد کم ہوں گے اور عورَتیں زیادہ، یہاں تک کہ ایک مَرد کی سَرپرستی (نگرانی)میں پچاس (50)عورَتیں ہوں گی۔([2])*مال کی کثرت ہوگی۔([3]) * دین پر قائم رہنا اِتنا دُشوار ہوگا جیسے مُٹھی میں اَنگارا لینا۔([4])*وَقْت میں برکت نہ ہوگی، یہاں تک کہ سال مہینے کی طرح،مہینا ہفتے کی طرح ،ہفتہ دن کی طرح اور دن ایسا ہوجائے گا جیسے کسی چیز کو آگ لگی اور جلد بھڑک کر ختم ہوگئی۔([5])*زکوٰۃ دینا(لوگوں پر ایسا مشکل ہوگا کہ اُسے)تاوان سمجھیں گے۔([6]) * عِلْمِ دین پڑھیں گے مگر دین کے لیے نہیں۔*مَرد اپنی عورت کا فرما نبردار ہوگا۔ *ماں باپ کی نافرمانی کرے گا۔*اپنے اَحباب(دوستوں) سے میل جول رکھے گا اور باپ سے جدائی۔ *مسجد میں لوگ چِلّائیں گے۔ *گانے باجے کی کثرت ہوگی۔*اَگلوں(پچھلے وقتوں کے لوگوں) پر لوگ لعنت کریں گے،اُن کو بُرا کہیں گے۔([7]) *ذَلیل لوگ جن کو تَن کا کپڑا، پاؤں کی جوتیاں نصیب نہ تھیں، بڑے بڑے محلّات میں فخر کریں گے۔([8])
[1]… بخار ی، کتاب العلم،باب کیف یقبض العلم،۱/۵۴،حدیث:۱۰۰
[2]… بخاری، کتاب النکاح، باب یقل الرجال ویکثر النساء،۳/۴۷۲،حدیث: ۵۲۳۱
[3]… مسلم، کتاب الزکاۃ، باب الترغیب فی الصدقۃ ...الخ،ص۳۹۲،حدیث: ۲۳۳۹ملتقطا
[4]… ترمذی، کتاب الفتن،باب۷۳،۴/۱۱۵،حدیث: ۲۲۶۷
[5]… ترمذی، کتاب الفتن، باب ماجاء فی تقارب الزمن...الخ ،۴/۱۴۸،حدیث: ۲۳۳۹ملتقطا
[6]… ترمذی، کتاب الفتن، باب ما جاء في علامۃ...الخ،۴/۸۹،حدیث: ۲۲۱۷
[7]… ترمذی، کتاب الفتن، باب ما جاء فی علامۃ...الخ،۴/۹۰،حدیث: ۲۲۱۸
[8]… مسلم، کتاب الایمان،باب بیان الایمان...الخ،ص۳۳،حدیث:۹۳ملتقطا