نمازِ فجر سے نمازِ اشراق تک مسجد میں رُکنا سُنّتِ مصطفےٰ ہے اس پر عَمَل کی سَعادَت مل جائے گی *حدیثِ پاک کے مطابق جو نمازِ فجر کے بعد ذِکْرُ اللہ  میں مشغول رہے، پھر اشراق، چاشت کے نوافِل پڑھے، اسے جہنّم کی آگ نہیں چھوئے گی۔^([1])

صلح کرنے  کے مدنی پھول

پیارے اسلامی بھائیو!آیئے صلح کرنے کے مدنی پھول سننے کی سعادت حاصل کرتے ہیں۔ *مسلمانوں کے درمیان صُلْح کروانا سُنّتِ اِلہٰیہ ہے۔(فیصلہ کرنے کے مدنی پھول، ص۳۱ ملخصاً) * حدیثِ پاک میں ہے:مخلوق میں صُلْح کرواؤ کیونکہ اللہ کریم بھی بروزِ قیامت مسلمانوں میں صُلْح کروائے گا۔(مستدرک، ۵/۷۹۵، حدیث:۸۷۵۸) *مسلمانوں کے درمیان پیار و محبت پیدا کرنا اور صُلْح کروانا پیارے آقا صَلَّی اللّٰہُ عَلَیْہِ واٰلہٖ وَسَلَّمَ کی(بھی)سُنّت ہے۔(صراط الجنان، ۲/۱۹)* چنانچہ ہماری شفاعت فرمانے والے آقا صَلَّی اللّٰہُ عَلَیْہِ واٰلِہٖ وَسَلَّمَنے اَوس و خَزْرَج دو قبیلوں کے درمیان صُلْح کروائی۔(در منثور، اٰل عمران، تحت الآیۃ: ۱۰۰، ۲/۲۷۹ماخوذاً) * جھوٹ بول کر دو مَردوں یا مَرد اور عورت کے درمیان صُلْح کروانا جائز ہے۔(جہنم میں لے جانے والے اعمال، ۲/۷۱۳) چنانچہ حدیثِ پاک میں ہے: جھوٹ کہیں ٹھیک نہیں مگر تین جگہوں میں(1)مَردکااپنی عورت کوراضی کرنے کےلیے (جھوٹی) بات کرنا، (2) لڑائی میں جھوٹ بولنا اور (3) لوگوں کے درمیان صُلْح کرانے کے لیے جھوٹ بولنا۔ (ترمذی،کتاب البر والصلۃ،باب ماجاء في إصلاح ذات البین،حدیث: ۱۹۴۵،۳ / ۳۷۷)*تین صورتوں میں جھوٹ بولنا جائز ہے یعنی اِس میں گناہ نہیں: (1)جب ظالِم ظلم کرناچاہتاہواُس کےظلم سے بچنے کے لیے بھی جائزہے۔ (2)