کر یہ پوچھ لیا کہ تُو نے میری پیروی کا حق کیوں ادا نہیں کیا تو میں کیا جواب دُوں گا؟ یہ سُن کر حضرت داؤد طائی رَحمۃُ اللہِ عَلَیْہ  رَو پڑے کہ اِمام جعفر صادِق رَحمۃُ اللہِ عَلَیْہ اتنے بلند رُتبہ ہو کر بھی خوف زَدہ ہیں تو میں کس گنتی میں آتا ہوں۔^([1])  

اللہ!اللہ!پیارے اسلامی بھائیو! بڑے لوگوں کی بڑی باتیں ہوتی ہیں...!! اِمام جعفر صادِق رَحمۃُ اللہِ عَلَیْہ اتنی بلند رُتبہ ہستی ہیں، آپ اَہْلِ بیت میں سے ہیں، اپنے وقت کے بہت بڑے اِمام ہیں، بہت بڑے عالِم بھی ہیں، بہت بڑے ولئ کامِل بھی ہیں، اللہ پاک کی بارگاہ میں اتنے مقبول ہیں کہ آپ دُعا کر دیں تو اللہ پاک آپ کی مانگ پُوری فرما دیتا ہے،  اس کے باوُجُود آپ کی عاجزی اور خوف کا یہ عالَم ہے کہ ڈرتے ہیں، روزِ قیامت اللہ پاک اور رسولِ خُدا صَلَّی اللہ ُعَلَیْہِ وَ آلِہٖ وَسَلَّم کی خدمت میں حاضِری کا خوف دِل میں رکھتے ہیں۔ کاش! ہمیں بھی یہ خوف نصیب ہو جائے...!!

آہ! ہم تو ہیں ہی کس گنتی و شمار میں...!! دِن رات گناہوں میں مَصْرُوف رہتے ہیں، دِن کھیلوں میں گزرتا ہے، رات غفلت کی نیند سوتے رہتے ہیں، نیکیاں نام کو بھی نہیں ہیں، اس کے باوُجُود ہم ڈرتے نہیں ہیں، خَوْف نہیں کھاتے، روزِ قیامت اللہ پاک کی بارگاہ میں حاضِری  ہو گی، ایک ایک لمحے کا حساب لیا جائے گا...!! آہ! کس طرح جواب دے پائیں گے؟

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

اِمام جعفر صادق رَحمۃُ اللہِ عَلَیْہ کی 3 عبادتیں

پیارے اسلامی بھائیو! اِمام جعفر صادِق رَحمۃُ اللہِ عَلَیْہچونکہخوفِ خُدا والے تھے،لہٰذا آپ