اس شخص کو جنّتی مکان دے دیا گیا ہے) ۔  ^([1])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

اِمام جعفر صادق رَحمۃُ اللہِ عَلَیْہ کی اچھی  عادات

پیارے اسلامی بھائیو! اِمام جعفر صادِق رَحمۃُ اللہِ عَلَیْہ بہت بااَخْلاق تھے *آپ کی طبیعت  میں خوش اَخْلاقی تھی * ہونٹوں پر اَکْثَر مسکراہٹ (Smile)سجی رہتی * پیارے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَسَلَّم کے اتنے باادَب تھے کہ جب بھی ذِکْرِ مصطفےٰ ہوتا تو  تعظیم کے سبب رنگ زَرْد ہو جاتا *کبھی بھی بے وُضُو حدیثِ پاک بیان نہ فرماتے * نماز و تِلاوت میں مشغول رہتے *آپ کی گفتگو(Conversation) فضول گوئی سےپاک ہوتی تھی۔^([2])  

خیر خواہی  اور غریبوں کی مدد

پیارے اسلامی بھائیو! اِمام جعفر صادِق رَحمۃُ اللہِ عَلَیْہکی مبارک عادات (Habits)میں سے ایک پیاری پیاری عادت خیر خواہی بھی ہے۔ کتابوں میں لکھا ہے کہ آپ لوگوں کو خوب کھلایا کرتے تھے۔ ^([3])

بے موسمے انگور مل گئے

حضرتِ لَیْث بن سَعد رَحمۃُ اللہِ عَلَیْہفرماتے ہیں: میں ایک بارحج کے اِرادے سے مکہ مکرمہ حاضرہوا۔   نمازِ عصر اَدا کرنے کے بعد میں مسجد الحرام  کے قریب  جبلِ اَبُو قُبَیْس کی طرف چل پڑا۔ میں نے دیکھا کہ وہاں ایک شخص بیٹھا اللہ پاک کے ذِکْر میں مَصْرُوف ہے، اس