جبرائیل عَلَیْہِ السَّلَام نے سلام کیا

پیارے آقا، مکی مدنی مصطفےٰ صَلّی اللہُ عَلَیْہِ وَآلِہٖ وَسَلَّم کے انتہائی بااعتماد صحابۂ کرام عَلَیْہِمُ الرِّضْوَان جنہیں حضورِ اکرم،نورِ مجسم صَلّی اللہُ عَلَیْہِ وَآلِہٖ وَسَلَّم قرآنِ کریم کی کتابت (یعنی لکھنے) کی ذمہ داری دیتے تھے، ان میں سے ایک حضرت امیر معاویہ رَضِیَ اللّٰہُ عَنْہ بھی ہیں۔ حضرت عبد اللہ بن عبّاس رَضِیَ اللّٰہُ عَنْہ سے روایت ہے، ایک دِن حضرت جبرائیل عَلَیْہِ السَّلَام بارگاہِ رسالت میں حاضِر ہوئے اور عرض کیا: یارسولَ اللہ صَلّی اللہُ عَلَیْہِ وَآلِہٖ وَسَلَّم! معاویہ کو میرا سلام کہئے، وہ کتابُ اللہ (یعنی قرآنِ کریم) کے اور وَحْی کے امین  ہیں۔  ^([1])

تمام مسلمانوں کے ماموں جان

پیارے اسلامی بھائیو! جنّتی صحابی حضرت امیر معاویہ رَضِیَ اللّٰہُ عَنْہ  کو ایک شرف یہ بھی حاصِل ہے کہ آپ پیارے آقا، مکی مدنی مصطفےٰ صَلّی اللہُ عَلَیْہِ وَآلِہٖ وَسَلَّم کی زوجہ محترمہ یعنی تمام مسلمانوں کی ماں حضرت اُمِّ حبیبہ رَضِیَ اللہُ عَنْہَا کے سگے بھائی ہیں۔ اسی لئے عُلَمائے کرام حضرت امیر معاویہ رَضِیَ اللّٰہُ عَنْہ کو خَالُ الْمؤمنین (یعنی مسلمانوں کے مامُوں جان) کہتے ہیں۔^([2])

اللہ  و رسول مُعَاوِیہ سے محبت کرتے ہیں

اِبْنِ عساکر میں ہے، ایک دِن پیارے آقا، محبوبِ خُدا صَلّی اللہُ عَلَیْہِ وَآلِہٖ وَسَلَّم اُمُّ المؤمنین حضرت اُمِّ حبیبہ رَضِیَ اللہُ عَنْہَا کے ہاں تشریف لائے، اس وقت حضرت امیر معاویہ رَضِیَ اللّٰہُ عَنْہ بھی وہیں تھے اور آپ کی پیاری بہن یعنی اُمُّ المؤمنین حضرت اُمِّ حبیبہ رَضِیَ اللہُ عَنْہَا ان کے سَر