کیا آپ جانتے ہیں؟

* مولاناابو محمد عطاری مدنی

ماہنامہ مارچ2021

سوال : پہلی بار ہجرت کرنے والوں کی تعداد کتنی تھی؟

جواب : ایک قول کے مطابق 11 مرد اور 4 عورتیں۔ (زرقانی علی المواھب ، 1 / 504)

سوال : ان پرندوں کے نام بتائیے جو ذبح ہونے کے بعد زندہ ہوگئے؟

جواب : کبوتر ، مُرغا ، گِدھ اور مور انہیں حضرت ابراہیم علیہ السّلام نے ذبح کیا تھا اور پھر یہ اللہ پاک کے حکم سے دوبارہ زندہ کئے گئے۔ (عجائب القرآن ، ص57 ، پ3 ، البقرۃ : 260)

سوال : حضرت آدم علیہ السّلام کو جنّت سے کس وقت زمین پر اُتارا گیا؟

جواب : حضرت آدم علیہ السّلام کو جنّت سے زمین پر ظہر و عصر کے درمیان اُتارا گیا۔ (طبقات ابن سعد ، 1 / 30)

سوال : حضرت نوح علیہ السّلام نے حضرت سیّدُنا آدم علیہ السّلام کے جسدِ مبارک کو طوفان کے بعد کہاں دفن کیا تھا؟

جواب : بیتُ المقدس میں۔ (طبقات ابن سعد ، 1 / 36)

سوال : حضرت سیّدُنا عیسیٰ علیہ السّلام کی عمر آسمان پر اٹھائے جانے کے وقت کتنی تھی؟

جواب : 32 سال اور چھ مہینے۔ (طبقات ابن سعد ، 1 / 45)

سوال : حضرت سیّدُنا عبدُالمطلب کے انتقال کے وقت نبیِّ کریم صلَّی اللہ علیہ واٰلہٖ وسلَّم کی عمر مبارک کیا تھی؟

جواب : آٹھ سال۔ (طبقات ابن سعد ، 1 / 95)

ــــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ* فارغ التحصیل جامعۃ المدینہ ، ماہنامہ فیضان مدینہ کراچی