Book Name:Jhoot ki Tabah kariyan
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف (ترجَمہ:میں نے سُنّتِ اعتکاف کی نیّت کی)
جب بھی مسجد میں داخل ہوں، یاد آنے پر نفلی اعتکاف کی نیّت فرما لیا کریں، جب تک مسجد میں رہیں گے، نفلی اعتکاف کا ثواب حاصل ہوتا رہے گا اور ضِمناً مسجد میں کھانا، پینا ، سونابھی جائز ہو جائے گا۔
حضرتِ عبدُاللہ بن سَلام رَضِیَ اللہُ تَعَالٰی عَنْہُ اپنے بھائی حضرتِ عُثمان رَضِیَ اللہُ تَعَالٰی عَنْہُ سے مُلاقات کےلیےگئے تو وہ بہت خُوش دِکھائی دیےاور کہنے لگے : میں نے آج رات خَواب میں سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا دِیدار کِیا، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے مجھے ایک ڈول(یعنی برتن) عَطافرمایا، جس میں پانی تھا، میں نے پیٹ بھر کر پیا ،جس کی ٹھنڈک ابھی تک مَحسُوس کر رہا ہوں۔ اُنہوں نے پُوچھا: آپ کو یہ مَقام کیسے حاصِل ہوا؟ جواب دِیا: نبیِّ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَپر کثرت سے دُرُودِ پاک پڑھنے کی وجہ سے۔ (سعادۃ الدارین، ص:۱۴۹، از جھوٹا چور،ص:۱)
دِیدار کی بِھیک کَب بٹے گی؟
منگتا ہے اُمّید وار آقا!
(ذوقِ نعت،ص:۴۶)
صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد