Book Name:Siddiq-e-Akbar رضی اللہ تعالٰی عنہ ka ishq-e-Rasool
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہِ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَـوَیْتُ سُنَّتَ الاعْتِکَاف (ترجَمہ:میں نے سنّتِ اعتکاف کی نیّت کی)
جب بھی مسجد میں داخِل ہوں، یاد آنے پر نفلی اِعْتکاف کی نِیَّت فرما لِیا کریں، جب تک مسجد میں رہیں گے، نفلی اِعْتکاف کا ثواب حاصِل ہوتا رہے گا اور ضِمناً مسجد میں کھانا، پینا بھی جائز ہو جائے گا۔
حضرت سَیِّدُناابُو ہُرَیْرَہ رَضِیَ اللہُ تَعَالٰی عَنْہُ فرماتے ہیں کہ نُور کے پیکر،تمام نبیوں کے سَرْوَر صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کا فرمانِ دلنشین ہے:مَنْ قَرَاَ الْقُرْاٰنَ وَحَمِدَ الرَّبَّ وَ صَلّٰى عَلَى النَّبِيِِّ (صَلَّی اللہُ عَلَیْہِ وَسَلَّمَ )وَ یَسْتَغْفِرُ رَبَّهُ فَقَدْ طَلَبَ الْخَيْرَ مَكَانَهٗیعنی جس نے قرآنِ پاک کی تلاوت کی، رب تَعَالٰیکی حمد بیان کی،نبی(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ)پر دُرُود شریف پڑھا اور اپنے رَبّ عَزَّ وَجَلَّ سے مغفرت طلب کی تو اُس نے بھلائی کو اپنی جگہ سے تلاش کرلیا۔([1])
اَمِیْرُ الْمُؤمنین حضرت سَیِّدُناابُوبکر صدّیق رَضِیَ اللہُ تَعَالٰی عَنْہُ نے اِرشاد فرمایا: نُور کے پیکر،تمام نبیوں کے سَرْوَر صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ پر دُرودِ پاک پڑھنا،گناہوں کو اس سے زِیادہ مِٹا دیتا ہے،جتنا پانی آگ کو مِٹاتا ہے اور دو جہاں کے تاجور،سُلطانِ بحر و بر صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ پرسلام بھیجنا، غلاموں کو آزاد کرنے سے افضل ہے اورحضور نبیِ پاک،صاحبِ لولاک صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ سے محبت کرنا،غلاموں کو آزاد کرنے سے بھی زِیادہ افضل ہے۔) کنزالعمال،کتاب الاذکار،باب فی الصلوۃ علیہ صلی