کِردار و گُفتار سے دِینِ اسلام کی مدد کرے ،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی شریعت کا دِفاع کرے اور سخاوت میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سیرت ِطیبہ کواپنائے،ماں باپ، بہن بھائی،اولاد،عزیز رِشتہ داروں پر مال خرچ کرے،اپنے مال کو دِین کی مددکے لیے اِستعمال کرے،٭ سچّا عاشقِ رسول وہ ہے جوغُصے کے وقت قابو میں رہتا ہے،٭ سچّا عاشقِ رسول وہ ہے جوصبر کرنے والا ہے ٭سچّا عاشقِ رسول وہ ہے جوعاجزی اِختیار کرے٭سچّا عاشقِ رسول وہ ہے جومصائب پر صبر کرے ٭سچّا عاشقِ رسول وہ ہے جو بکثرت ذِکرِ رسول کرے٭ سچّا عاشقِ رسول وہ ہےکہ”جب ذِکرِ مصطفیٰ ہوتو تعظیم بجالائے، جب آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا نامِ مُبارک سُنے توانگوٹھے چُومے،جُھومے،دُرود پڑھے٭سچّا عاشقِ رسول وہ ہے جوکہ جس کوآپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی مُلاقات وزِیارت کا بہت زیادہ شوق ہو٭سچّا عاشقِ رسول وہ ہے جوقرآنِ کریم سے بھی مَحَبَّت کرے٭سچّا عاشقِ رسول وہ ہے کہ جوآپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی سنت پر عمل  کرنے کےساتھ ساتھ آپ کی حدیثِ مُبارک پڑھنے کی چاہت رکھتا ہو۔

صَلُّوْا عَلَی الْحَبِیْب!                                                             صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!بیان کو اِختِتام کی طرف لاتے ہوئے سُنَّت کی فضیلت اور چند سُنّتیں اور آداب بَیان کرنے کی سَعادَت حاصِل کرتا ہوں ۔ شَہَنْشاہِ نُبُوَّت ، مُصْطَفٰے جانِ رحمتصَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ جنّت نشان ہے: جس نے میری سنّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا ۔^([1])

سُنّتیں عام کریں دین کا ہم کام کریں

نیک ہو جائیں مسلمان مدینے والے

صَلُّوْا عَلَی الْحَبِیْب!                                                                                          صَلَّی اللّٰہُ تَعَالٰی عَلٰی مُحَمَّد