(4)ہزاروں افراد شرابیوں کے ہاتھوں بے قصور قتل وغارت گری کا نشانہ بن رہے ہیں۔(5)لاکھوں عورتیں شرابی شوہروں کے ظلم و ستم کا نشانہ بنتی ہیں اورمَعَاذَاللہ عَزَّ  وَجَلَّ کئی عورتیں بھی اِس گناہِ کبیرہ کی نحوست کی لپیٹ میں آکر جہنّم کی حقدار بنتی ہوں گی۔اَلْاَمَانْ وَالْحَفِیْظ

ان کے علاوہ پاک نسلوں کی تباہی، سُستی، بے راہ روی، گھروں کی تباہی، آرزوؤں کی بربادی اور دِماغی صلاحیتوں کا نُقصان وغیرہ بھی شراب کے نقصانات میں شامل ہیں۔ اللہ عَزَّ  وَجَلَّ  مسلمانوں کو عقلِ سلیم اور ہدایت عطا فرمائے اور شراب نوشی کی آفتِ بد سے نجات عطا فرمائے۔^([1])

گنہ کرتے ہوئے گر مر گیا تو کیاکروں گا میں                  بنے گا ہائے میرا کیا کرم فرما کرم مولیٰ

مسلماں ہوں اگر چہ بد ہوں،سچّے دل سے کرتاہوں         ترے ہرحکم کے آگے سرِ تسلیم خم مولیٰ

تُو بس رہنا سدا راضی، نہیں ہے تابِ ناراضی                 تُو نا خوش جس سے ہو برباد ہے تیری قسم مولیٰ

عطا کر عافیت تُو نَزْع و قَبْر وحَشْر میں یاربّ                   وسیلہ فاطِمہ زَہرا کا کر لطف و کرم مولیٰ         

                                                                                                 (وسائلِ بخشش مُرمّم،ص97،98)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

بھنگ کے نُقصانات

     میٹھے میٹھے اسلامی  بھائیو!اسی طرح بھنگ پینے کے بھی بہت سے نُقصانات ہیں ،بھنگ ایک مشہور بُوٹی ہے، جو اَعْضا کو بے حِس کردیتی ہے۔ علامہ اِبنِ حجَر مکی شافعی رَحْمَۃُ اللّٰہ ِتَعَالٰی عَلَیْہ  فرماتے ہیں: بعض عُلمائے کرام رَحِمَہُمُ اللہ تَعَالیٰ نے ارشاد فرماياہے کہ اِس کو کھانے ميں ایک سوبیس (120)دِينی و دُنيوی نُقصانات ہيں، جن ميں سے چند يہ ہيں :