مفتی احمد یارخان نعیمی رَحْمَۃُ اللّٰہ ِتَعَالٰی عَلَیْہ تفسیر" نورالعرفان" میں مزید لکھتے ہیں:عام جنّتیوں کو تو چندقطرے ڈال کر شرابِ طہوریا رَحِیْقٍ مَّخْتُوْمدی جائے گی مگر مقربین ہمیشہ خالص تسنیم پئیں گے،کیونکہ ان کے گھروں میں تسنیم کے چشمے ہوں گے،تسنیم کی لذّت و خوشبو مخلوق کے خیال سے وراء ہے،اِنْ شَآءَ اللہعَزَّ  وَجَلَّ پی کر پتہ لگے گا،ربّ عَزَّ  وَجَلَّ  نصیب کرے۔(نورالعرفان،ص۹۷۴)

شرابِ مَحَبَّت کچھ ایسی پِلا دے کبھی بھی نشہ ہو نہ کم یااِلٰہی

مجھے اپنا عاشق بنا کر بنا دے     تُو سرتاپا تصویرِ غم یااِلٰہی

                                                (وسائلِ بخشش مُرمّم،ص109)

صَلُّوْا عَلَی الْحَبِیْب!                                  صَلَّی اللّٰہُ تَعَالٰی عَلٰی مُحَمَّد

معاشرے پر شراب کے بُرےاثرات                

     میٹھے میٹھے اسلامی  بھائیو!بیان کردہ احادیثِ مُبارَکہ  کی روشنی میں ہم نے  شراب نوشی کی انتہائی عبرتناک وعیدیں سُنیں نیز یہ بھی معلوم ہوا کہ شراب اس  قدر بدترین چیز ہے کہ اس کی وجہ سے شرابی کو قیامت میں پِیپ پینی پڑے گی۔ آیئے شراب نوشی، بھنگ اور افیون کے کچھ طِبّی اور معاشرتی نُقصانات کے بارے میں بھی سُنتے ہیں ۔چُنانچہ

شراب نوشی کے نُقصانات:

    شراب نوشی کے چند نُقصانات یہ ہیں:(1)شَراب نوشی کی وجہ سے کروڑوں افراد مختلف مُہلک(یعنی ہلاک کرنے والے) اور خطرناک امراض کا شکار ہو رہے ہیں۔(2)لاکھوں افراد شراب نوشی کی وجہ سے ہلاک ہو رہے ہیں۔(3)بہت سے سڑک حادثات کی وجہ شراب پی کر گاڑی چلانا بھی ہے۔